9 Qazan, 10:16 377 0 Jahan Anar LEPESOVA

Analary Aýǵanstan túrmesinde otyrǵan qazaqstandyq 14 bala elge qaıtarylady

Irakta qalyp qoıǵan qazaqstandyq 14 bala elge qaıtarylady. Bul týraly Elordada Eýropadaǵy qaýipsizdik jáne yntymaqtastyq uıymynyń (EQYU) Aýǵanstan boıynsha jıynda Syrtqy ister mınıstri Muhtar Tileýberdi málimdedi. 

«2019 jyldyń basynda Qazaqstan arnaıy «Jýsan» operaııasyn júrgizgen bolatyn. «Jýsan» operaııasy – Qazaqstan osy adamdardyń (kezinde Sırııaǵa ketip qalǵan azamattardyń – avt.) úıi ekenin kórsetti. Operaııanyń arqasynda elge 600-ge tarta adam qaıtaryldy. Olardyń 406-y bala. Olardyń bári de ońaltý sharalarynan ótip, qazaqstandyq qoǵamǵa beıimdeldi. Qazirgi ýaqytta Iraktan 14 balany qaıtarý baǵytynda jumys júrgizip jatyrmyz. Olardyń analary sol jaqta ómir boıy bas bostandyǵynan aıyrylǵan», – dedi QR Syrtqy ister mınıstri Muhtar Tileýberdi otyrys barysynda.

Mınıstrdiń aıtýyna qaraǵanda, Qazaqstan mundaı gýmanıtarlyq akııalardy júrgizip jatqan álemdegi sanaýly memleketterdiń biri. «Biz óz tájirıbemizben bólisýge daıynbyz», – dedi ol.

«Jýsan» gýmanıtarlyq operaııasy - aýqymdy akııa. Bul bastamany Tuńǵysh Prezıdent – Elbasy Nursultan Nazarbaev usyndy. 2018 jyldan beri júzege asyrylyp keledi. Sırııadan qazaqstandyqtardyń alǵashqy legi bıylǵy 6 qańtarda elge jetkizilgen bolatyn. 7-9 mamyr kúnderi atalmysh elden Qazaqstannyń taǵy 231 azamaty oraldy. Keshendi sharalar nátıjesinde qaqtyǵys aımaǵynan elimizge jalpy 357 bala qaıtaryldy. 28-31 mamyrda «Jýsan» arnaıy gýmanıtarlyq akııasynyń sońǵy kezeńi ótkizilgen edi.

Sońǵy jańalyqtar