20 Qyrkúıek, 15:21 430 0 Zań Anar LEPESOVA

Áblıazovtyń sybaılastaryna qandaı jaza berildi?

 Muhtar Áblıazovtyń óz erkimen oralǵan sybaılastaryna sot qandaı úkim kesti? Bul týraly Nur-Sultanda ótken brıfıngte QR Sybaılas jemqorlyqqa qarsy is-qımyl agenttiginiń ekinshi departamentiniń basshysy Sergeı Perov aıtyp berdi. 
23 tamyzda Almaty qalasynyń Medeý aýdandyq № 2 sotynda Reseıden óz erkimen oralǵan Muhtar Áblıazovtyń jeti sybaılasyna aıyptaý úkimi shyǵaryldy. Olardyń úsheýi - Reseı azamattary. Bul Artýr Trofımov (Avstrııada bosqyn mártebesine ıe), Maksım Hablov, Anar Abdıhaımova, biri - Ýkraına azamaty Erjan Kadesov jáne úsh qazaqstandyq Anatolıı Pogorelov, Valerıı Nalobın jáne Záýre Júnisova. Tergeý barysynda olar Áblıazovtyń aqsha urlaý boıynsha syzbalaryn tolyq ashyp aıtyp bergen.

"Olarǵa 1500-den 3000 AEK-ge deıin (3 7875 00-den 7 575 000 teńgege deıin) aıyppul salyndy. Biz Áblıazovtyń árbir sybaılasymen jumys júrgizdik. Árbir adamnyń rólin bilemiz, Áblıazovtyń olardy qanshalyqty paıdalanǵanyn, sonymen birge eshqandaı materıaldyq syıaqy almaı, qandaı ról atqarǵandaryn bilemiz. Qalyptasqan tájirıbeni eskere otyryp, óz erkimen kelgen adamdar tergeýge járdemdesedi, kináli adamdardy áshkereleýge kómektesedi, olar bas bostandyǵynan aıyrylmaıdy. Olar aıyppulǵa, shartty túrde jaýapqa tartyldy", - dep túsindirdi Sergeı Perov.

Úkim zańdy kúshine endi. Úkim shyǵarý kezinde óz sot erkimen berilip, kinásin tolyq moıyndap, shyn júrekten ókinýinen basqa, barlyq sottalǵandardyń qylmys jasaý barysynda materıaldyq paıda almaǵanyn jáne tek qylmystyq qoǵamdastyq basshysy Muhtar Áblıazovtyń nusqaýlaryn oryndaǵanyn eskerdi.

Sońǵy jańalyqtar