20 Qyrkúıek, 14:14 434 0 Áleýmet Anar LEPESOVA

Q.Óskenbaev: Jyl sońyna deıin kezekte turǵan barlyq kópbalaly otbasylar úımen qamtylady

Jyl sońyna deıin jalǵa beriletin páterler sany 8 myńǵa jetpek. Bul týraly Indýstrııa jáne ınfraqurylymdyq damý vıe-mınıstri Qaıyrbek Óskenbaev málimdedi. 

Vıe-mınıstr bıyl respýblıka boıynsha jalǵa beriletin turǵyn úıdiń qurylysyna 32,8 mıllıard teńge qarastyrylǵanyn aıtty.

Onyń aıtýynsha, osy aqshaǵa 6 myńnan astam páter salý nemese daıyn baspanany satyp alý josparlanyp otyr. Jaldamaly baspana jekemenshikke berilmeıdi, jalǵa alý quqyǵymen ǵana taratylady.

"Bıyl 6 myń páter beriledi degen jospar bolǵan. Biraq onyń sany artaıyn dep tur. Qazirdiń ózinde 2 813 jaldamaly baspana berildi. Jyl aıaǵyna deıin osy sanattaǵy páterlerdiń sanyn 8 myńǵa jetkizemiz degen oıymyz bar", - dedi Óskenbaev.

Vıe-mınıstr jyl saıyn ortasha eseppen 6 myń jaldamaly páter salynsa, 2025 jylǵa deıin osy sanattaǵy 40 myń baspanany taratýǵa bolatynyn jetkizdi.

Onyń sózinshe, osylaısha, ákimdik kezeginde turǵan barlyq kópbalaly otbasyny turǵyn úımen qamtamyz etýge múmkindik bar.

Sońǵy jańalyqtar