18 Qyrkúıek, 15:58 424 0 Sport Anar LEPESOVA

Derevıanchenko: Golovkınniń belbeýin Ýkraınaǵa alyp ketemin

Ýkraınanyń kásipqoı boksshysy Sergeı Derevıanchenko qazaqstandyq Gennadıı Golovkınmen ótetin jekpe-jegi jaıynda pikirin bildirdi dep habarlaıdy Prosport.kz.

"Genamen jekpe-jek ótkizý týraly tez kelisimge keldik. Kelissózder úsh apta ǵana júrdi. Ádette úlken jekpe-jek aldynda bir kelisimge kelý óte qıyn. Uzaqqa sozylatyn proess.

Qarsylasymda tańǵaldyrý úshin barynsha daıyndalyp jatyrmyn. Kezdesý taǵdyryn bir ǵana soqqy sheship ketýi múmkin. Golovkınniń myqty boksshy ekenin túsinemin. Burynǵy álem chempıony, orta salmaqtaǵy úzdik boksshy. Biraq men óz kúshime tolyq senimdimin. Golovkındi jeńip, chempıondyq belbeýdi Ýkraınaǵa alyp ketemin. Sol úshin ter tógip jattyǵyp júrmin.

Golovkınniń komandasy birneshe ret jekpe-jekten bas tartty. Onyń arqasynda meni tanymaldylyq jınap júr dedi. Alaıda, bunyń bári bos sóz. Boks – úlken bıznes. Baspasóz úshin birdeńe aıtýyń kerek.

Ereje boıynsha men tıtýlǵa mindetti úmitker atandym. IBF bul erejege baǵynyp, boksshylarǵa chempıondyq belbeýge talasýǵa múmkindik bergenine qýanyshtymyn", – deıdi Derevıanchenko.

Eske sala keteıik, Golovkın men Derevıaenchenko arasyndaǵy jekpe-jek 5 qazan kúni Nıý-Iork qalasyndaǵy Madison Square Garden kesheninde ótedi.

Sońǵy jańalyqtar