18 Qyrkúıek, 14:44 401 0 Densaýlyq Anar LEPESOVA

Almatyda taǵy da apat: Bir otbasynyń úsh balasyn kólik qaqty

Almatyda bir otbasynyń úsh balasyn kólik qaǵyp ketti, dep habarlady Qoǵamdyq densaýlyqty saqtaý basqarmasynyń baspasóz qyzmeti.

Oqys oqıǵa Uljan shaǵyn aýdanyndaǵy №152 mekteptiń mańynda Tákejanov kóshesinde bolǵan. «18 qyrkúıekte jedel járdem brıgadasy 9, 6, 5 jastaǵy úsh balany jetkizdi. Balalardy Uljan shaǵyn aýdanynda kólik qaǵyp ketti. 5 jáne 6 jastaǵy balalardyń keýde qýysy organdary soqqysy alǵan. 9 jastaǵy bala jeńil jaraqat alǵan. Sondyqtan ol ambýlatorııalyq em alýǵa úıine jiberildi. Al 5 jáne 6 jastaǵy balalar aýrýhanaǵa jatqyzyldy», - delingen habarlamada.

Dárigerler balalardyń jaǵdaıyn ortasha dep baǵalap otyr. Belgili bolǵandaı, anasy men balalary joldyń tyıym salynǵan jerinen ótpek bolǵan.

Sońǵy jańalyqtar