18 Qyrkúıek, 10:19 419 0 Densaýlyq Anar LEPESOVA

Atyraýda bir jylda 764 adam qyzylshamen aýyrǵan

Atyraý oblysynda qosymsha ımmýndaý jumystary aıasynda 6 jasqa deıingi balalardan bólek 20-29 jas aralyǵyndaǵy 50 myń adam ekpe saldyrýy tıis.

Ótken jyldan beri munaıly ólkede qyzylshamen 764 adam aýyrdy. Onyń 73%-i balalar. Al aýrý juqtyrǵandar men vırýs taratýshylardyń 16%-i ata-analary túrli dinı kózqarastaryna baılanysty balasyna vakına saldyrmaǵandar. Oblys boıynsha qazir 68 myń doza vakına daıyn tur. Oblysta resmı tirkelgen 630 myń turǵynnyń kem degende 10%-i qyzylsha men qyzamyqqa qarsy ekpe alýy tıis. Al jyl basynan beri oblys boıynsha 9-10 aılyq 8 myńǵa jýyq sábıge qyzylshaǵa qarsy mindetti ekpe salynǵan.

«Ekpeden bas tarý nátıjesi ol balanyń qyzylsha aýrýynyń asqynýyna jol beredi. Ol jerde pnevmonııa, mıdyń qabynýy, enefalıt, sonymen qatar tipti balanyń kózi kórmeı qalýy sııaqty asqynýlarǵa alyp keledi. Ázirge fakt bolǵan joq, biraq ólim jaǵdaıyna deıin ákelip soqtyrýy múmkin», – deıdi epıdemııalyq qadaǵalaý bóliminiń basshysy Gúlnaz Erbatyrova.

-

Sońǵy jańalyqtar