17 Qyrkúıek, 16:14 431 0 Ekonomıka Anar LEPESOVA

Qazaqstandyqtar 7 aı ishinde shetelge 345,5 mlrd teńge aýdarǵan

Bıylǵy jyldyń qańtar-shildesinde Qazaqstan azamattarynyń shetelge aýdarǵan aqsha qarajattarynyń somasy 345,5 mlrd teńgeni qurady.  

Ranking.kz deregine súıensek, 2019 jyldyń 7 aıyndaǵy halyqaralyq aqsha aýdarý júıesi arqyly jiberilgen qarajat kólemi 369,1 mlrd teńgeni quraǵan. Atalǵan somanyń 345,5 mlrd teńgesi shetelge, al 23,6 mlrd teńgesi Qazaqstan aýmaǵyna aýdarylǵan.

Al halyqaralyq aqsha aýdarý júıesi arqyly shetelden Qazaqstanǵa kelgen qarajattyń somasy 203 mlrd teńgeni quraıdy. Bul ótken jyldyń qańtar-shildesindegi somadan 8,8 paıyzǵa kóp. Osy ýaqyt aralyǵynda shetelge aýdarylǵan jáne shetelden alynǵan transshekaralyq aýdarymdar kólemindegi aıyrmashylyq bir jyldyń ishinde 135,8 mlrd teńgeden, 142,5 mlrd teńgege deıin artyp otyr.

Halyqaralyq aqsha aýdarý júıesi arqyly transshekaralyq aýdarymdar jasalatyn elder arasynda Reseı, Ózbekstan, Túrkııa jáne Qyrǵyzstan kósh bastap tur. Aıtalyq, 7 aıdyń ishinde qazaqstandyqtar Reseıge 116,9 mlrd teńge aýdaryp, ol jaqtan 72 mlrd teńge alǵan.

Degenmen, elimizden kórshi elge aýdarymdar bir jyldyń ishinde 8,7 paıyzǵa, al Qazaqstanǵa aýdarymdar 23,7 paıyzǵa qysqarǵan. Al Qazaqstannan Ózbekstanǵa 72,1 mlrd teńge aýdarylsa, ol jaqtan elimizge kelgen aqsha kólemi ne bári 14,9 mlrd teńgeni ǵana quraıdy. Munan bólek, qazaqstandyqtar Túrkııaǵa 47 mlrd teńge aýdaryp, 3,8 mlrd teńge alsa, Qyrǵyzstanǵa jiberilgen qarajat 43,4, al kelip túsken aqsha kólemi 13,4 mlrd teńge boldy. Qazaqstandyqtar Koreıa Respýblıkasynan 32,2 mlrd teńge aqsha aýdarymyn alǵan.

Sońǵy jańalyqtar