16 Qyrkúıek, 12:06 438 0 Sport Anar LEPESOVA

"Onsyz da sizder solaı ataısyzdar": Jánibek ózine laqap at tańdady

El namysyn qorǵap júrgen kásipqoı boksshy (7-0, 2 KO) Jánibek Álimhanuly endi rıngke Qazaq style laqap atymen shyǵady.

«Kásipqoı boksta ár boksshynyń laqap aty bar. Bireýleri laqap atty ózi tańdaıdy, endi bireýlerge jankúıerler qoıady. Ózderińiz jaqsy bilesizder meni Amerıkada jankúıerler, bapkerler Qazaq style dep ataıdy. Qazaqstandyq jankúıerler de osylaı atap ketti. Kóp oılanbastan laqap atymdy QAZAQ STYLE dep ataýdy jón kórdik. Onsyz da sizder solaı ataısyzdar. Biz jáı ǵana resmılendirip qoıaıyq. Boksrekke (BoxRec nemese boxrec.com — kásipqoı boksshylar týraly málimetter, reıtıngter saıty) engizip qoıdyq. Buıyrtsa QAZAQ STYLE-dy álemge tanytýǵa bar kúshimizdi salamyz! Jeńiste júzdeseıik!», - dep jazdy boksshy Instagram-daǵy paraqshasyna.

Eske sala ketsek, sońǵy aıqasynda Jánibek Álimhanuly 27 ret jeńiske jetken qarsylasyn nokaýtqa túsirgen bolatyn. Orta salmaqtaǵy on raýndqa sozylǵan aıqasta Álimhanuly kanadalyqty besinshi raýndta tehnıkalyq nokaýtpen jeńdi.

Sońǵy jańalyqtar