12 Qyrkúıek, 13:34 429 0 Jańalyqtar Túrkistan Gazeti

Almaty oblysy ákiminiń jańa orynbasary taǵaıyndaldy

Buǵan deıin Almaty  oblys ákimi apparatynyń jetekshisi bolǵan Batyrjan Baıjumanov endi ákimniń ıdeologııa salasyna jaýapty orynbasary bolyp taǵaıyndaldy, dep habarlaıdy QazAqparat tilshisi.

Batyrjan Qulaımergenuly 1976 jyly týǵan, bilimi joǵary. 1998 jyly Qazaq memlekettik agrarlyq, 2005 jyly Abaı atyndaǵy Qazaq ulttyq pedagogıkalyq ýnıversıtetterin ǵalym-agronom, memlekettik basqarý menedjeri mamandyqtary boıynsha bitirgen.

Eńbek jolyn 1999 jyly bastaǵan. Ár jyldary QR Premer-Mınıstri jáne QR Prezıdenti Keńselerinde bas sarapshy, Prezıdent Ákimshiliginiń Memlekettik ınspektory, Qazaqstan Respýblıkasy aýyl sharýashylyǵy mınıstrliginiń «KazAgroInnovaııa», «Ulttyq agrarlyq ǵylymı-bilim berý ortalyǵy» akıonerlik qoǵamdary tóraǵasynyń orynbasary, 2017 jyldan osy ýaqytqa deıin oblys ákimi apparatynyń basshysy boldy.

«Buǵan deıin bul qyzmetti Aqan Ábdýálıev atqarǵan. Ol ózine artylǵan mindetti tolyqtaı oryndady. Negizi, Almaty oblysyna kelgisi keletinder kóp. Biraq, men Prezıdent ákimshiligimen kelise otyryp, orynbasar laýazymyna oblysty biletin, menimen birge jumys istegen kadrdy taǵaıyndap otyrmyn. Eńbegiń jemisti bolsyn», dedi oblys ákimi Amandyq Batalov.

Al, Almaty oblysy ákiminiń apparaty jetekshisi laýazymyna Temirlan Bektasov taǵaıyndaldy. Temirlan Amangeldiuly 1969 jyly týǵan, bilimi joǵary. 1999 jyly Qazaq memlekettik sáýlet-qurylys akademııasyn qurylys ınjeneri mamandyǵy boıynsha bitirip, eńbek jolyn bastap ketken. 1999-2017 jyldar aralyǵynda Qarasaı aýdandyq sáýlettendirý jáne júıeleý basqarmasynyń tehnıgi, ınjeneri, bólim meńgerýshisi, «Sáýlet» memlekettik-qazynalyq kásiporyny dırektorynyń orynbasary, Jambyl, Qarasaı aýdandyq sáýlet jáne qala qurylysy bólimderiniń bastyǵy, Almaty oblystyq memlekettik sáýlet-qurylys baqylaý basqarmasynyń  bastyǵy, Kerbulaq aýdany Taldybulaq aýyldyq okrýginiń ákimi, oblystyq qurylys basqarmasy bastyǵynyń orynbasary, basshysy laýazymdaryn atqarǵan. 2017 jyldan osy ýaqytqa deıin Panfılov aýdany ákimi laýazymynda jumys istedi.

Jıyn sońynda oblys ákimi erteń Talǵar, Panfılov jáne Raıymbek aýdandaryna baryp, óńir aktıvterine jańa basshylardy tanystyratynyn aıtty.

Sońǵy jańalyqtar