13 Qyrkúıek, 11:42 523 0 Sport Túrkistan International Political Weekly

Qazaqtyń qaradomalaqtary «Real Madrıd» oıynshylarymen kezdesedi

Almatyda BAURZHAN qaıyrymdylyq qorynyń uıymdastyrýymen balalar úıi tárbıelenýshileriniń arasynda fýtboldan respýblıkalyq týrnır ótýde. Elimizdiń 10 aımaǵynan kelgen 12 komanda «Armanyńa umtyl» qaıyrymdylyq qorynyń chempıony atanýǵa baryn salyp jatyr.

Óıtkeni úzdik dep tanylǵan komanda Ispanııaǵa barýǵa joldama alady. Onymen qoımaı ataqty «Santıago Barnabeo» stadıonyn kórip, kópshilik kózaıymyna aınalǵan «Real Madrıd» oıynshylarymen kezdesedi. Qazaqstan fýtbol federaııasy men QR BǴM Balalardyń quqyqtaryn qorǵaý komıteti muryndyq bolǵan shara osymen jetinshi jyl qatarynan ót­kizilýde. Osyǵan deıin je­ńis­­­ke jetken balalar úıi­niń tár­bıelenýshileri ár jyldary «Barselona», «Mılan», «Bavarııa», «Atletıko Madrıd», «Chel­sı», «Parı Sen-Jermen» klýbtaryna baryp, Messı, Roben, Torres, Neımar sekildi talantty oıynshylarmen kezdesken. Bıylǵy jetkinshekter­diń armany oryndalsa Ser­hıo Ramos, Lýka Modrıch, Isko, Tonı Kroos, Eden Azar syndy «Real juldyzdarymen» júzbe-júz otyryp suhbattaspaq. Uıymdastyrýshylardyń sózinshe respýblıkanyń túk­pir-túkpirindegi balalar úıi­niń tárbıelenýshileri osy týr­nır­di asyǵa kútetin kórinedi. Óıtkeni ata-ana qamqorlyǵynsyz qalǵandar fýtbol arqyly óz armandarynyń oryndalatynyna shek­siz senim­men keledi.

Sońǵy jańalyqtar