13 Qyrkúıek, 10:44 487 0 Áleýmet Anar LEPESOVA

Qarashada almatylyq jastarǵa jeńildikpen jaldamaly páterler berile bastaıdy

Bıylǵy jyldyń qarasha aıynan bastap almatylyq jastar jalǵa turǵyn úı ala alady.  

Qala ákimshiliginiń turǵyn úı saıasaty basqarmasynyń mamandarynyń aıtýynsha,  29 jasqa deıingi jumys istep júrgen jastarǵa satyp alý quqyǵynsyz Alataý aýdanyna qarasty Kókqaınar jáne Saıaly-2 yqsham aýdanynda boı kótergen jańa úılerden 5 jylǵa baspana alatyn múmkindik bar. Bul baǵdarlamanyń tıimdiligi sol, jastar arzan baǵaǵa páter jaldap, bes jylda óz baspanasyna qarjy jınaýǵa múmkindigi bolady deıdi mamandar.

Josparǵa sáıkes bir bólmeli 249 páterdiń kilti qazan aıynyń sońynda tabystalady. Ótinish berýshiler qalada tirkeýde bolýy shart jáne baspanasy bolmaýy tıis. Qujattardy qabyldaý 23 qyrkúıekten bastalyp, 6 qazanǵa deıin jalǵasady.

Aıbek Saıdildaev, qalalyq turǵyn úı saıasaty basqarmasy bastyǵynyń mindetin atqarýshy:

– Ótinish berýshige qajetti qujttardy aıtar bolsam: jeke jáne neke kýáliginiń, sondaı-aq balalarynyń týý týraly kýáligi men dıplom kóshirmesin, jyljymaıtyn múlki joqtyǵyn, jumys isteıtindigin rastaıtyn jáne sońǵy alty aı ishindegi tabysy kórsetilgen anyqtama alýy qajet. Kirisi 101 myń teńgeden kem bolmaýy tıis. Sonymen qatar bank shotynyń bolýy eskeriledi, ondaǵy aqshanyń sommasy ári qansha jáne qalaı qarjy salynatyndyǵy da nazarǵa alynady.

Sońǵy jańalyqtar