12 Qyrkúıek, 17:40 432 0 Jańalyqtar Túrkistan Gazeti

Qazaqstan Elshisi Belarýs Respýblıkasynyń Prezıdentine senim gramotalaryn tabys etti

«Táýelsizdik» prezıdenttik saraıynda Qazaqstan Respýblıkasynyń Elshisi Asqar Beısenbaevtyń Belarýs Respýblıkasynyń Prezıdenti Aleksandr Lýkashenkoǵa senim gramotalaryn tapsyrý saltanaty ótti. Bul týraly SIM baspasóz qyzmeti habarlady. 

Resmı qabyldaý barysynda Belorýs memleketiniń basshysy Elshini dıplomatııalyq mıssııasynyń bastalýymen quttyqtap, Qazaqstannyń turaqty damýyna joǵary baǵa berdi jáne Prezıdent Qasym-Jomart Toqaevtyń memlekettegi jańa saıası bastamalaryna tabys tiledi.

Óz kezeginde A. Beısenbaev kóptegen jyldary qalyptasqan qarym-qatynastar strategııalyq mazmunǵa ıe bolǵanyn ataı kele, Elshilik eki memleket lıderleri belgilegen ekijaqty árekettestiktiń barlyq spektirindegi yntymaqtastyqty kúsheıtýge qatysty mindetterdi oryndaýǵa bar kúsh-jigerin salatyny týraly sendirdi.

Qazaqstandyq dıplomat Belarýs Prezıdentin bizdiń memleket Basshysynyń bastamasymen júzege asyrylyp jatqan Qazaqstan Prezıdenti Q.Toqaevtyń birinshi Joldaýyndaǵy ekonomıkany modernızaııalaý, áleýmettik salany jetildirý jáne odan ári demokratııalandyrý sharalary týraly habardar etti.

Kezdesý sońynda A.Lýkashenko Qazaqstannyń Tuńǵysh Prezıdenti – Elbasy Nursultan Nazarbaev pen Prezıdent Q.Toqaevqa izgi iltıpatyn bildirip, Elshige qazaqstandyq-belorýstyq yntymaqtastyqty kúsheıtý jolyndaǵy qyzmetine tabystar oń nátıjeler tiledi.

Sońǵy jańalyqtar