12 Qyrkúıek, 16:52 465 0 Jańalyqtar Túrkistan Gazeti

Elordada «Adamı ólshem boıynsha dıalog alańynyń» kezekti otyrysy ótti

Syrtqy ister mınıstrliginde Erekshe tapsyrmalar jónindegi Elshisi Úsen Súleımenniń tóraǵalyǵymen konsýltatıvtik-keńesshi organnyń (KKO) «Adamı ólshem boıynsha dıalog alańy» kezekti otyrysy ótti. Bul týraly SIM baspasóz qyzmeti habarlady.

Otyrysqa Parlament Májilisiniń depýtattary, memlekettik organdar, úkimettik emes sektor jáne halyqaralyq uıymdardyń ókilderi qatysty.

Otyrystyń ashylýynda Ú. Súleımen qatysýshylarǵa Prezıdenttiń Qazaqstan halqyna Joldaýyn iske asyrý jónindegi Jalpyulttyq is-sharalar josparyn bekitý týraly, onyń ishinde azamattyq qoǵamdy odan ári damytý jóninde birqatar naqty sharalardy qarastyratyn aqparat berdi.

KKO qatysýshylary azamattyq qoǵamnyń Qazaqstan memlekettik organdarymen ózara is-qımyl formalaryn jetildirý máseleleri men perspektıvalaryn, ulttyq quqyq qorǵaý tetikterin odan ári nyǵaıtý múmkindigin, Ámbebap kezeńdik sholý sheńberinde BUU Adam quqyqtary jónindegi keńesiniń usynymdaryn iske asyrý qorytyndylaryn talqylady. Sonymen qatar, Qazaqstanda ómir súrý quqyǵyn qamtamasyz etý máseleleri týraly zertteýdiń tusaýkeseri ótti.

Kún tártibindegi barlyq tarmaqtardy talqylaý memlekettik organdar men úkimettik emes uıymdardyń belsendi qatysýymen ótti. Bul eki taraptyń ashyq jáne pándik dıalog pen yntymaqtastyqqa daıyn ekendigin taǵy da kórsetti.

Azamattyq sektor Úkimetti shtatty keńeıtý jáne adam quqyqtary men bala quqyqtary jónindegi ombýdsmenderdiń qyzmetin qarjylandyrýdy ulǵaıtý múmkindigin qarastyrýǵa shaqyrdy.

Otyrys qorytyndysy boıynsha qatysýshylar KKO men ulttyq qoǵamdyq senim Keńesi arasyndaǵy qyzmetti úılestirý qajettiligi týraly ýaǵdalasty.

Aıta ketý kerek, KKO «Adamı ólshem boıynsha dıalog alańy» SIM janynda 2013 jyldan bastap jumys isteıdi jáne qazaqstandyq ÚEU, halyqaralyq uıymdar men QR memlekettik organdarynyń keń aýqymyn tarta otyryp, Quqyq qorǵaý taqyrybynyń asa ózekti máselelerin talqylaý jáne birlesken sheshimder ázirleý úshin alań usynady.

Sońǵy jańalyqtar