12 Qyrkúıek, 15:53 454 0 Jańalyqtar Túrkistan Gazeti

QR Prezıdenti Alibaba kompanııasynyń negizin qalaýshy Djek Mamen kezdesti

Qazaqstan Prezıdenti Qasym-Jomart Toqaev Hanchjoýǵa sapary aıasynda Alibaba shtab-páteriniń jańa kompýsyn aralap kórip, onyń damý tarıhymen, qyzmetimen tanysty, dep habarlaıdy QazAqparattyń Qytaıdaǵy tilshisi.

Odan keıin Memleket basshysy Alibaba kompanııasynyń negizin qalaýshy Djek Mamen kezdesti. Ekeýara sálemdesýden keıin Qasym-Jomart Toqaev Qytaı Halyq Respýblıkasy qurylýynyń 70 jyldyq, Alibaba kompanııasynyń 20 jyldyq mereıtoılarmen quttyqtady.

Óz kezeginde Djek Ma QR Prezıdenti Qasym-Jomart Toqaevqa quttyqtaýy úshin rızashylyǵyn bildirdi.

«Qazaqstanda 5 ret boldym. Qazaqstannyń mádenıeti men halqyn jaqsy kóremin. Ol jaqta meniń dostarym kóp. Bos ýaqytymdy Sizderdiń astanalaryńyzda ótkizgen unaıdy», - dep atap ótti ol.

Alibaba Group  - ınternet-kommerııa salasynda jumys isteıtin jahandyq kompanııa. Shtab-páteri Hanchjoý qalasynda ornalasqan. Qyzmetiniń negizgi túri - B2B syzbasy boıynsha kompanııalar arasyndaǵy saýda operaııalary jáne bólshek onlaın-saýda. Alibaba.com ınternet-saıty bar. 2019 jyldyń basynda kompanııany kapıtaldandyrý 18 paıyzǵa artyp, 421,9 mlrd dollarǵa deıin jetti. 2019 jyldyń 10 qyrkúıeginde 55 jasqa tolǵan Djek Ma sol kúni álemdegi eń iri kompanııanyń basshysy qyzmetinen ketti.

Tegter Djek Ma

Sońǵy jańalyqtar