12 Qyrkúıek, 11:23 439 0 Jańalyqtar Túrkistan Gazeti

Atyraýda Farıza Ońǵarsynovanyń 80 jyldyǵyna oraı «Patsha – sózdiń Farızasy» aptalyǵy ótýde

Atyraýda aqyn Farıza Ońǵarsynovanyń 80 jyldyǵyna arnalǵan respýblıkalyq kólemde «Patsha – sózdiń Farızasy» atty aptalyq ótýde dep habarlaıdy Atyraý oblysynyń Óńirlik kommýnıkaııalar qyzmeti.

Aqynnyń eskertkishine gúl qoıý rásiminen bastalǵan shara H.Dosmuhamedov atyndaǵy Atyraý memlekettik ýnıversıtetinde jalǵasty. Onda alǵash ret «Ar men aqyn» derekti fılmi kórsetilip, «Jyr – meniń jalǵyz tarlanym» aýdıo-dıskiniń tusaýy kesildi. Aqynnyń óz daýysymen óleńderi jazylǵan aýdıo-dıskini memlekettik syılyqtyń laýreaty, kórnekti jazýshy Ánes Saraı men Atyraý Memlekettik ýnıversıtetiniń professory Qadyr Ótegenuly tanystyrdy.

Aptalyq aıasynda «Patsha – sózdiń Farızasy» atty ǵylymı-praktıkalyq konferenııa da ótti. Atyraý oblysy ákiminiń orynbasary Aıgúl Ájiǵalıeva konferenııaǵa arnaıy qatysyp, sharanyń mańyzdylyǵyna toqtaldy.

Farıza Ońǵarsynova Atyraý topyraǵynyń tól perzenti, óńirimizdegi bilimniń qara shańyraǵy - H.Dosmuhamedov atyndaǵy Atyraý memlekettik ýnıversıtetniń alǵashqy túlekteriniń biri. Ol qarymy mol talant ıesi, sóz óneriniń kemeline jetken sýretker. Farıza shyǵarmashylyǵynyń búkil bolmysyn, ereksheligin, qasıetterin jetkizip aıtý óte qıyn. Qazaqtyń qyzdar poezııasynyń ósip-órkendeýiniń, bıik deńgeıge jetýiniń aıqyn dáleli de osy. Onyń jyrlary máńgi jasaıdy, - deıdi Atyraý oblysy ákiminiń orynbasary Aıgúl Ájiǵalıeva.

Sońǵy jańalyqtar