11 Qyrkúıek, 20:09 369 0 Jańalyqtar Túrkistan Gazeti

Qazaqstan Taıaý Shyǵystaǵy ózekti máselelerdi beıbit jolmen sheshýdi jaqtaıdy

Parlament Senatynyń Tóraǵasy Darıǵa Nazarbaeva Palestınanyń Qazaqstandaǵy Elshisi Montaser Abý Zeıdti qabyldady. Bul týraly Senattyń baspasóz qyzmeti habarlady.

Dıplomat Parlamenttiń joǵarǵy palatasynyń Tóraǵasy qyzmetine saılanýǵa baılanysty Senat basshysyna Palestına Ulttyq Keńesiniń quttyqtaýyn jetkizdi jáne oǵan aldaǵy ýaqyttaǵy qyzmeti tabysty bolýyna tilektestigin bildirdi.

D.Nazarbaeva «Qazaqstan táýelsizdiktiń alǵashqy kúninen bastap Taıaý Shyǵystaǵy ózekti máselelerdi beıbit jolmen sheshýdi jaqtap keledi jáne Palestınany áleýmettik-ekonomıkalyq turǵyda tezirek ońaltýǵa baǵyttalǵan halyqaralyq qoǵamdastyqtyń gýmanıtarlyq akııalaryn qoldaıdy», - atap ótti.

Elshi halyqaralyq kún tártibindegi negizgi máseleler boıynsha qoldaýlary men yntymaqtastyq úshin alǵysyn bildirdi.

M.Abý Zeıd saýda-ekonomıka yntymaqtastyǵyn damytý týraly aıta kelip, Qazaqstan men Ortalyq Azııadaǵy eń bıik ǵımarat bolatyn kóp salaly «Abý-Dabı Plaza» kesheniniń qurylysy týraly habardar etti. Qazirge deıin 76 qabaty salyndy, qazan aıynyń sońynda «Sheraton» qonaq úıi paıdalanýǵa beriletin bolady.

Taraptar ınvestıııalyq yntymaqtastyqty keńeıtý, Palestına azamattary úshin vıza tártibin jeńildetý múmkindikterin, sondaı-aq «Teńiz» munaı ken ornyndaǵy qaqtyǵysty talqylady. Máselelerdi pysyqtaý úshin mekemearalyq komıssııa quryldy. Senat Tóraǵasy sheteldik azamattardyń Qazaqstan zańnamasyn saqtaýy, sondaı-aq qazaq halqynyń ulttyq salt-dástúrlerin qurmetteýi qajettigin atap ótti.

Sońǵy jańalyqtar