11 Qyrkúıek, 16:29 468 0 Jańalyqtar Túrkistan Gazeti

Almatyda qala kúni qarsańynda ALMAQUEST ótedi

15 qyrkúıek Qala kúnin merekeleý aıasynda túrli tylsym jumbaqtar men qupııalarǵa toly aýdandar men kóshelerde keń kólemde qalalyq ALMAQUEST kvest ótedi. Bul týraly qala ákimdigi habarlady.

ALMAQUEST - eki kezeńnen turatyn mádenı sharaǵa nıet bildirgenderdiń barlyǵynyń qatysýǵa múmkindigi bar.

AlmaQuest - bul bir senarıı boıynsha biriktirilgen tapsyrmalar tizbegi bar tańǵajaıyp jáne kóńildi komandalyq sport oıyny. Oıynnyń máni - qaladaǵy obektilerdiń shıfrlanǵan ornyn múmkindiginshe jyldam tabý, barlyq tapsyrmalardy durys oryndaý, oı júıriktigi men bilimniń arqasynda márege jetý.

Tapsyrmalardy oryndaý úshin qalanyń negizgi nysandary, tarıhı faktiler, mundaǵy adamdar týraly qyzyqty málimetterdi paıdalanýǵa bolady. Oıyn onlaın rejıminde ótedi. Barlyq tapsyrmalar uıaly telefonǵa túsedi.

Qatysý erejeleri, sharanyń bastalýy, aıaqtalýy jáne syılyq qory men syılyqtar týraly almaquest.kz saıtynan tolyq aqparat alýǵa bolady.

Tegter AlmaQuest

Sońǵy jańalyqtar