11 Qyrkúıek, 10:33 381 0 Áleýmet Anar LEPESOVA

Aýrýhanada shetinegen sábıdiń anasy dárigerlerdi aıyptady

Túrkistan oblysyndaǵy Temirlan eldimekeninde 3 aılyq bala aýrýhanada jatyp, shetinedi. Týystary náresteniń ólimine dárigerler kináli deıdi. Sýyq tıgizip, syrqattanǵan sábıge aq halattylar em-dom jasaý túgili, durys dıagnoz da qoıa almady dep aıyptap otyr. Úsh aılyq Dinmuhamedtiń týystary aýrýhana basshylyǵyna shaǵymdaryn «31 arna» arqyly jetkizdi.  

Shetinegen sábıdiń anasy baýyr eti balasynan kóz jazyp qalǵanyna sene almastan esin jııa almaı júr. Dinmuhamed Aıgerimniń úshinshi uly eken. Ol dárigerler den qoıyp jaza almady dep ashýly.

«Aýyryp jatqanyna qansha ýaqyt boldy. Biraq qaramaıdy. Qalanyń aýrýhanasyna jiber desem, ol jaqqa da jibermedi. Áıtpese balamnyń jaǵdaıy qıyn ekenin men kórip turmyn», – deıdi sábıinen aırylyp qalǵan ana.

Anasynyń aıtýynsha, sábı tamyz aıynyń basynda sýyq tıgizgen. Sodan beri ystyǵy jıi kóterilip, aýrýhananyń tabaldyryǵyn tozdyrypty. Al sońǵy kezde jaǵdaıy nasharlap, jan saqtaý bóliminde jatqan nárestege aq halattylar múlde nazar salmady dep otyr týystary.

Aýrýhana basshylyǵynyń aıtýynsha, tıisti em jasalǵan. Sábı ólimi úshin keshirim suraǵan ol qoldan kelgenniń barlyǵyn isıelik dep otyr. Degenmen bas dárigerdiń aıtqan qujattaryn týystary saǵattap tosyp, máıitti oblystyq saraptamaǵa alyp ketti. Óıtkeni ol aýdandyq aýrýhana janyndaǵy máıithanaǵa senimsizdik bildirip otyr.

Sońǵy jańalyqtar