11 Qyrkúıek, 10:22 377 0 Sport Anar LEPESOVA

Vınokýrov jarty jylǵa sottalýy múmkin

Belgııa prokýratýrasy qazaqstandyq jáne reseılik burynǵy veloshabandozdar Aleksandr Vınokýrov pen Aleksandr Kolobnevty jarty jylǵa bas bostandyǵynan aıyrýdy surady. Búginde sportshylarǵa qatysty sybaılas jemqorlyq boıynsha is qaralýda, dep habarlaıdy «RIA Novostı».

Eki sportshy 2010 jyly ótken «Lej-Baston-Lej» jarysynda ózara kelisip alǵan dep aıyptaldy.

10 qyrkúıekte memlekettik aıyptaýshy olardy 6 aıǵa bas bostandyǵynan aıyryp, Vınokýrovqa 100 myń eýro, Kolobnevke 50 myń eýro aıyppul salyp, onyń banktegi esepshotynan 150 myń eýro tárkileýdi surady.

Lej soty úkimniń 8 qazanda shyǵatynyn málimdedi.

Buǵan deıin BAQ-ta Vınokýrovtyń reseılik sportshyǵa márede berilgeni úshin 150 myń eýro bergeni týraly habarlanǵan edi. Alaıda eki sportshy da atalǵan aqparatty joqqa shyǵardy.

Kolobnev 2017 jyldyń basynda karerasyn támamdaǵan. Al Vınokýrov búgingi tańda «Astana» velokomandasynyń bas menedjeri bolyp tabylady.

Sońǵy jańalyqtar