9 Qyrkúıek, 10:49 340 0 Ishki saıasat Dınara MYŃJASARQYZY

"Báıterek" zymyran kesheni Nazarbaev atymen ataldy

Baıqońyrdan ushatyn zymyran-ǵarysh kemesi Nazarbaev atymen ataldy. Reseı prezıdenti Vladımır Pýtın 7 qyrkúıekte Qazaqstannyń birinshi prezıdenti Nursultan Nazarbaevpen birge Máskeýdegi VDNH kórmesin aralap, Qazaqstan men Reseı birlesip salyp jatqan "Báıterek" zymyran keshenin Nazarbaev atymen ataýdy usyndy.

Reseılik aqparat quraldarynyń jazýynsha, áýeli Pýtın Nazarbaevtan keshenniń "Báıterek" dep atalýynyń sebebin suraǵan. Al Nazarbaev "Báıterek" sóziniń mánin túsindirgen.

"Endeshe "Nursultan" dep ataıyq. Bul jobany siz jasadyńyz ǵoı" degen Pýtın. Al Qazaqstannyń burynǵy prezıdenti "Nursultan bolmaı-aq qoısyn. Basqasha atańyzdar. "Nazarbaev" dep atańyzdar" dep jaýap bergen. Pýtın kelisken.

Nursultan Nazarbaev, Qazaqstannyń premer-mınıstri Asqar Mámın, Vladımır Pýtın jáne Reseıdiń premer-mınıstri Dmıtrıı Medvedev senbi kúni VDNH kórmesindegi "Qazaqstan" dep atalatyn pavılondy aralap kórgen. Onda Roskosmos jetekshisi Dmıtrıı Rogozın, Qazaqstannyń ıfrlyq damý, ınnovaııa jáne aeroǵarysh ónerkásibi mınıstri Asqar Jumaǵalıev Baıqońyrdaǵy "Báıterek" jobasynyń damý barysyn baıandaǵan.

Kóp keshikpeı Roskosmos reseılik korporaııasy Baıqońyrdan ushatyn ortasha jáne jartylaı aýyr kategorııasyndaǵy zymyran-ǵarysh kemesi Nazarbaev atymen atalatynyn habarlady.

"Báıterek" keshenin salý týraly áńgime 15 jyldan beri aıtylyp keledi, jobanyń bıýdjeti birneshe ret ulǵaıtylyp, ony aıaqtaý merzimi birneshe ret keıinge shegerildi. 2004 jyly Astana men Máskeý ǵaryshqa ýly otynmen ushatyn "Proton" zymyrandarynyń ornyna ekologııalyq taza ǵarysh apparatyn daıyndaý jaıly ortaq jospar jarııalaǵan.

Áýel basta bul joba aıasynda ýkraınalyq "Zenıt" zymyranyn qoldaný josparlandy. Biraq 2014 jyly Ýkraına men Reseı arasyndaǵy jaǵdaı ýshyqqannan keıin "Báıterek" jobasymen aınalysqan mamandar "Zenıt" jobasynan bas tartty.

Sol kezde reseılik "Angara" jobasyn qoldaný týraly sheshim qabyldandy. Alaıda 2016 jyly reseılik "Soıýz-5" jańa zymyran-tasyǵyshyn paıdalaný boıynsha kelissózder bastaldy. 2017 jyly maýsym aıynda qazaqstandyq-reseı komıssııasy bul sheshimdi maquldady. Sol kezde Qazaqstannyń ǵarysh apparatyn ázirleýge 300 mıllıonnan astam qarajat salýy múmkin ekeni aıtyldy.

Reseı Baıqońyrdy jalǵa alǵany úshin Qazaqstanǵa jylyna 115 mıllıon dollar tóleıdi.

Sońǵy jańalyqtar