4 Qyrkúıek 2019, 14:55 589 0 Jańalyqtar Túrkistan International Political Weekly

Arysta ne ózgerdi?

Túrkistan oblysy ákimi Ómirzaq Shókeevtiń tóraǵalyǵymen Arys qalasy ákimdiginiń májilis zalynda shahardy tótenshe jaǵdaıdan keıin qalpyna keltirý jumystaryn aıaqtaý boıynsha apparattyq jıyn ótti. Basqosýǵa sektorlarǵa jaýapty barlyq oblys ákimdiginiń ókilderi, Túrkistan oblystyq basqarma basshylary men aýdandyq ákimdik mamandary qatysty.

Kezdesýde Túrkistan oblysy Qurylys basqarmasynyń basshysy Erbol Ahmetov Arys qalasyndaǵy qurylys-jóndeý jumystary jaıynda baıandama jasady.

"Arys qalasynda ornalasqan 7,8,9,10 jáne 11-shi sektorlarda jalpy zaqymdalǵan 2975 úı bar. Onyń ishinde, jóndeýdi qajet etetin 2568 jeke jáne 73 kópqabatty turǵyn úıler, sonymen qatar, jańadan salynyp jatqan 334 úı. Búgingi kúnge osy sektorlarda 94 merdiger kompanııa, 180 tehnıka jáne 2505 jumysshy jumyldyrylǵan. Túrkistan oblysyna tıesili 7-sektorda zaqymdalǵan 478 úı ornalasqan. Búgingi kúnge jóndeýdi qajet etetin jeke jáne kópqabatty turǵyn úılerde jumystar aıaqtaldy. Jańadan qurylysy júrgizilip jatqan 100 úıdiń bárinde tıisti jumystar júrgizilýde", - dedi ol.

Sonymen qatar, Shyǵys Qazaqstan oblysyna qarasty 8-sektorda zaqymdalǵan 537 úı bar. Jóndeýdi qajet etetin 5 úıdiń syrtqy jáne ishki árleý jumystary júrgizilýde. Jańadan qurylysy júrgizilip jatqan 5 úıdiń bárinde tıisti jumystar atqarylýda, 20-qyrkúıekte paıdalanýǵa tapsyrý josparlanǵan. Al Nur-Sultan qalasynyń 9-sektorynda 696 úı bar. Búgingi kúnge jóndeýdi qajet etetin 249 jeke jáne 31 kópqabatty úıdiń syrtqy jáne ishki árleý jumystary júrgizilýde. Jańadan qurylysy júrgizilip jatqan 160 úıdiń kirpishin qalaý jumystary júrgizilýde. Aǵymdaǵy jyldyń 20-qyrkúıeginde sektordaǵy barlyq úılerdi paıdalanýǵa tapsyrý josparlanýda.

Sondaı-aq, Shymkent qalasyna tıesili 10-sektorda – 636 úı ornalasqan. Búgingi kúnge jóndeýdi qajet etetin 10 úıdiń syrtqy jáne ishki árleý jumystary bar. Jańadan qurylysy júrgizilip jatqan 56 úıdiń 4-i úıi paıdalanýǵa tapsyrylyp, qalǵan úılerde kirpish qalaý jumystary júrgizilýde. Al Batys Qazaqstan oblysyna tıesili 11-sektorda 627 úı bar. Búgingi kúnge jóndeýdi qajet etetin jeke jáne kópqabatty turǵyn úılerde jumystar aıaqtalǵan. Jańadan qurylysy júrgizilip jatqan 13 úıdiń 4-i paıdalanýǵa tapsyrylyp, qalǵan úılerdiń bárinde kirpish qalaý jumystary júrgizilýde. Aǵymdaǵy jyldyń 20-qyrkúıeginde barlyq úılerdi paıdalanýǵa tapsyrý josparlanǵan.

Jıyndy qorytqan Túrkistan oblysynyń ákimi Ómirzaq Shókeev barlyq sektor jaýaptylaryna qurylys jumystaryn ýaqytynda aıaqtaý qajettigin nyqtap tapsyrdy.

Túrkistan oblysy ákiminiń baspasóz qyzmeti

Tegter Arys

Sońǵy jańalyqtar