20 Tamyz, 11:06 245 0 Sport Túrkistan Gazeti

Mıhaıl Kýkýshkın álemdik reıtıngte joǵarylady

Meksıkanyń Los Kabos qalasynda ótken ATP sanatyndaǵy jarysta shırek fınalǵa deıin jetken qazaqstandyq tennısshi Mıhaıl Kýkýshkın álemdik reıtıngte joǵarylady. Bul týralv Egemen Qazaqstan gazetiniń saıty habarlady. 

Úzdikter tiziminde 2 satyǵa joǵarylaǵan jerlesimiz qazirgi kezde ATR reıtınginde 44-orynda tur. Bul – qazaqstandyq tennıs­shiler arasyndaǵy eń úzdik nátıje. Osyǵan deıingi Mıhaıl Kýkýshkınniń eń jaqsy kórsetkishi – 39-oryn bolatyn. Sońǵy ýaqytta Aleksandr Býblık te jaqsy oıyn órne­gimen kózge túsip, reıtıngte joǵarylap keledi. Býblık búginde 808 upaımen 75-orynda. Al Aleksandr Nedovesov TOP-200 tennısshiniń qatarynda.

Qyzdar arasyndaǵy reıtıngte Iýlııa Pýtıneva da saıys saıyn úzdik nátıje kórsetedi. Ótken reıtıngide 42-orynda bolsa, bul joly úsh saty joǵarylap 39-orynǵa jaıǵasty. Al buǵan deıin Qazaqstannyń úshinshi raketkasy sanalyp kelgen Elena Rybakına ekinshi oryndaǵy Zarına Dıasty basyp ozdy. Jańartylǵan reıtıngte Rybakına 67-shi, Dıas 77-orynda tur.

Sońǵy jańalyqtar