19 Tamyz 2019, 08:36 426 0 Jańalyqtar Túrkistan Gazeti

Buqtyrmaǵa batyp ketken kólik tabyldy

Shyǵys Qazaqstanda súńgýirler Buqtyrma ózenine batyp ketken kólikti jaǵaǵa shyǵardy. Avtokóliktiń ishinen júrgizýshiniń denesi tabyldy, dep habarlaıdy QazAqparat Altaınıýske silteme jasap.

ShQO TJD-nyń Jedel qutqarý jasaǵy izdestirý jumystary barysynda Buqtyrma ózeninde jaǵalaýǵa jaqyn mańnan «Opel» markaly avtokólikti tapty. Sondaı-aq kólik ishinde bolǵan er adamnyń kóz jumǵany anyqtalyp otyr. «Bizdiń qutqarýshylar toby dereý polıııa qyzmetkerlerine habar berdi. Jaǵdaıdy quzyretti organdar múmkindiginshe anyqtaýy kerek», - deıdi Jedel qutqarý jasaǵy №8 bólimshesiniń basshysy Naýryz Smaǵulov.

Qazirgi ýaqytta polıııa qyzmetkerleri oqıǵanyń sebebi men mán-jaıyn jan-jaqty qarastyrýda. Kólikte qaza tapqan azamattyń aty-jóni anyqtaldy.

Sońǵy jańalyqtar