16 Tamyz, 11:08 376 0 Sport Túrkistan International Political Weekly

Tokıo olımpıadasynda robottar qyzmet kórsetedi

Japonııalyqtar Tokıo Olımpıadasyna erekshe daıyndalýda. El bıligi men halqy tórtkúl dúnıeniń sańlaqtary saıysatyn baıraqty básekeni burynǵydan ózgesheleý ótkizbek. Kúnshyǵys eli zamanaýı tehnologııalardy paıdalanyp, Olımpıada tarıhynda buryn-sońdy bolmaǵan bastamany qolǵa alyp otyr. Sport dodasynda qonaqtarǵa qarapaıym adamdardan bólek, robottar qyzmet kórsetedi.

Tokıo Olımpıadasynyń bastalýyna 1 jyldan az ýaqyt qaldy. Keler jyldyń 24 shildesinde kezekti Jazǵy Olımpıada oıyndarynyń  tusaýy kesiledi. Qazir Kúnshyǵys eliniń bıligi tórtjyldyqtyń eń mańyzdy sport oqıǵasyna tyńǵylyqty daıyndalyp jatyr. Japon eli sporttaǵy áleýetin ǵana emes, tehnologııadaǵy jetistikterin de pash etýdi kózdep otyr. Bul osy jolǵy jazǵy olımpıadanyń basty ereksheligi bolmaq.

Olımpıada oıyndaryna arnaıy robottar qurastyrylǵan. Qultemirler kelýshilerge barynsha kómektesip, jol kórsetedi. Jalpy Tokıo Olımpıadasy adamzat tarıhyndaǵy eń ınnovaııalyq doda bolmaq. Uıymdastyrýshylar osy senimnen shyǵý úshin baıraqty básekege adamnyń júzin tanıtyn júıe engizbekshi. Iaǵnı jarysqa qatysatyn sportshylardyń, qyzmetkerler men aqparat quraldary ókilderiniń sýretteri robottyń bazasynda saqtaýly bolady. Osylaısha, atalǵan júıe adamdardy avtomatty túrde tanyp, ishke kirýge ruqsat beredi. «Bul bastama Olımpıada kezinde qaýipsizdikti arttyrýǵa septigin tıgizedi», – deıdi mamandar.

«Olımpıada kezinde jarys ótetin jerlerge bóten adamdar men bógde zattardyń kirip ketpeýi qatań qadaǵalanady. Al betti tanıtyn júıe bul jumysty áldeqaıda jeńildetedi dep oılaımyz. Óıtkeni kompıýter, kúzetshilerge qaraǵanda, adamnyń betin dálirek tanıdy jáne qatelesýi múmkin emes. Qysqasy, bul bastama aldaǵy jazǵy oıyndarda bizge keremet kómekshi bolmaq» – deıdi Tokıo olımpıadasynyń qaýipsizdik jónindegi atqarýshy dırektory ýıosı Ivasıta

2020 jyly tórtkúl dúnıe kóz tigetin dúbirli dodada jankúıerler ózderin jaıly sezinýleri úshin de barlyq jaǵdaı jasalmaq. Uıymdastyrýshylar shilińgir shildeniń aptap ystyǵynan jankúıerlerdi qorǵaý úshin barlyq keshenderge salqyndatqyshtar ornatady. Al avtobýs aıaldamalaryna sý búrkıtin apparattar qoıylmaq.

Tokıo qalasynyń gýbernatory Iýrıko Koıke «Qazir bizde kún qatty ysyp ketti. Sportshylar úshin bul qalypty jaǵdaı. Olar daıyndyqtaryn júrgize beredi. Al álemniń túkpir-túkpirinen keletin jankúıerler úshin aýyr bolmaq. Sondyqtan olar eshqandaı qolaısyzdyqty sezbeıtindeı jaǵdaı jasaýǵa tyrysyp jatyrmyz. Kelesi jyly Tokıo-2020 Olımpıadasynda 42 sport nysany jumys isteıdi. Oǵan 11 myńnan asa sportshy qatysady dep kútilýde. Al mýltısporttyq dodany uıymdastyrýǵa 200 myńnan asa erikti kómektesedi. Qalaı bolǵanda da tórtkúl dúnıe asyǵa kútip júrgen baıraqty báseke tartysqa tolyp bolyp, kópshiliktiń kóńilinen shyǵady dep senemiz», – dep otyr.

Sońǵy jańalyqtar