16 Tamyz, 09:53 348 0 Jahan Túrkistan Gazeti

Sheteldik jýrnalıster Iasaýı kesenesimen tanysty

Túrkistan qalasyna sheteldik tilshiler kelip, Qoja Ahmet Iasaýı kesenesimen tanysty, dep habarlaıdy QazAqparat.

BAQ ókilderiniń qatysýymen ótken mádenı baspasóz-týrynyń maqsaty - Elbasy Nursultan Ábishuly Nazarbaevtyń «Rýhanı jańǵyrý» baǵdarlamasynyń «Jahandaǵy zamanaýı qazaqstandyq mádenıet» jobasyn halyqaralyq deńgeıde nasıhattaý.

QR Syrtqy ister mınıstrligi men Mádenıet jáne sport mınıstrligi, Túrkistan oblysy ákimdiginiń uıymdastyrýymen ótken sapar barysynda UNESCO tizimine engen Qoja Ahmet Iasaýı kesenesi jáne ondaǵy jádigerlermen tanysqan BAQ ókilderi Jerasty qylýeti, Juma meshitin de aralady. Aýstrııa, Germanııa, Italııa, Koreıa, Qytaı, Mysyr, Ulybrıtanııa, Úndistan, Franııa, Shveııa, Shveıarııa syndy memleketterdiń, atap aıtqanda «Specchio Economico» (Italııa), «Global Times» (Qytaı), «Le Figaro» (Franııa), «Korean Broadcasting System» telearnasy (Koreıa), «The Holiday Magazine» (Ulybrıtanııa) 20-ǵa jýyq jýrnalıst «Áziret Sultan» memlekettik tarıhı-mádenı qoryq-mýzeıiniń dırektory Ahmetjanov Nurbolat Qadyruly jáne arheolog mamandardan suhbat alyp, pikir almasty.

«Jahandyq álemdegi qazirgi qazaqstandyq mádenıet» jobasy sheńberinde tórtinshi ret ótken baspasóz týry týrızmdi damytý jáne jalpy Qazaqstannyń damyp kele jatqan memleket retindegi oń ımıdjin qalyptastyrýǵa baǵyttalǵan.

Sońǵy jańalyqtar