14 Tamyz 2019, 20:49 551 0 Týrızm Túrkistan Gazeti

Ulttyq tabıǵı parkterdi basqarý modeli ózgeredi

Eldegi memlekettik ulttyq tabıǵı parkterdi basqarýdyń modeli ózgerýi múmkin, dep habarlaıdy QazAqparat.

Memlekettik ulttyq tabıǵı parkter bıznes úshin ekologııalyq qaýipsizdik sheńberinde ashyq bolýy tıis. Kazakh Tourism ulttyq kompanııasy eldegi 13 parktiń aýmaǵynda týrızmdi osyndaı ustanymmen damytpaqshy. «Kólsaıdaǵy basty problema ınfraqurylym emes. Basty másele - týrıske ne usynamyz degen másele. Týrıstiń ornalasatyn jeri, jalǵa berý beketteri sııaqty qosalqy dúnıeleri kóp. Amerıka mysalyn alatyn bolsaq, ol jaqta bári jolǵa qoıylǵan. Ornalastyn jer, quraldar men kólikti jalǵa beretin beketter, aýmaqty aralaıtyn soqpaqtar men jol silteıtin kórneki aqparat naqty jasalǵan. Biz de sondaı standarttarǵa talpynýymyz kerek», - deıdi kompanııanyń basqarma tóraǵasynyń orynbasary Qaırat Sádýaqasov.

Ol úshin Kazakh Tourism ulttyq parkterdiń qoldanystaǵy bas josparlaryn qaıta qarap shyqpaq. «Qoldanystaǵy bas josparlarmen tolyq tanysqannan keıin óz usynysymyzdy beremiz. Ulttyq parkterdi basqarýdyń buǵan deıingi modeli ekologııaǵa negizdelgen bolatyn. Ulttyq parkterdi jabyq ustaý adamdy tabıǵattan alystatyp jiberýi múmkin. Al halyqaralyq tájirıbe ekologııany saqtaı otyryp ta, týrıster sanyn arttyrýǵa bolatynyn kórsetip otyr. Jańa model týrıster sanyn kóbeıtý kezinde ekologııaǵa zııan kelmeýin qadaǵalaıtyndeı etip daıyndalady.

Bul turǵyda bizdiń de sanamyz ózgerýi kerek. Halyq ulttyq park aýmaǵyna demalý úshin kirgende «ol jerde sońyńda qoqys emes, aıaq kıimińniń izi ǵana qalsyn» degen qaǵıdatty ustanýy kerek», - dedi ulttyq kompanııa ókili. Qaırat Sádýaqasov bolashaqta ınvestorlar úshin ulttyq parkter aýmaǵynan jer telimderin alý sharasy jeńildeýi múmkin ekenin aıtady. «Bıznes parkterge kirgen jaǵdaıda qoryq aýmaǵynda qazir qoldanylatyn ekologııalyq talaptardyń bári saqtalatyn bolady. Erekshe kúzetiletin aýmaqtar týraly zań bar óıtkeni. Jer ýchaskelerin berý rásimderi jeńildeýi múmkin. Shektelgen sharýashylyq qyzmettiń aıasy keńeıtilýi múmkin. Biraq bıznes jappaı kire almaıdy», - dedi ol.

Tegter Týrızm

Sońǵy jańalyqtar