25 Maýsym 2019, 17:22 1821 0 Ádebıet "Túrkistan" gazetiniń avtorlary

ÓZIN-ÓZI JETILDIRÝGE ARNALǴAN EŃ ÚZDIK KITAPTAR

" Oqyp bolǵan soń buryn neǵyp oqymaǵanmyn" dep oılaısyz...  Eger kún saıyn artyq 20 mınýt ýaqytyńyz bolsa, 1 aptadan keıin bul kitap ómirińizdi ózgertedi.

Aleks Novak. "Bar bolsa da joq kitap"

Bul shyǵarma - óz ómirińdi basqarýdaǵy " aspaptar jáshigi" dese de bolady. Siz sol keńesterden keıin jarqyn maqsattaryńyzǵa naqty qadamdar jasap, eń bastysy sol qadamdy ómirińizge engizesiz.  Kitapta teorııalar, mysaldar, olardy tájirıbede oryndaýǵa naqty nusqaýlar keltirilgen. Kitaptyń tili jatyq, sózderi túsinikti, túsiniksiz termınder joq.

Bul kitapty nege oqý kerek ?  Jelide 2014 jyldyń jeltoqsan aıynda paıda bolǵan bul kitap jarylǵan bombadaı áser qaldyrdy. Bir jarym aıdyń ishinde saıtta 100 myńnan astam oqyrman qaraǵan.  Kitap ár túrli pikirtalastar týdyryp, hıt-paradtarǵa ilinip, baspa nazaryna tústi. Avtor Aleks Novak kitaptyń qaǵazdaǵy nusqasyn shyǵarý týraly usynystar aldy. "Pıter" baspasymen 2014 jyly kelisimshart jasalyp, "Bar bolsa da, joq kitap" dúken sórelerine 2015 jyldyń sáýir aıynda jol tartty.

2.Nık Výınıch. "Shetsiz - sheksiz ómir".

Nık Výınıch ómirge qoly men aıaǵy joq bolyp keldi. Sonda da táýelsiz, tolyqqandy ómir súrýde. Eki joǵary bilimi bar, kompıýterde mınýtyna 43 sóz teredi, serfıngpen, balyq aýlaýmen, júzýmen aınalysady, tipti tramplınnen sekirýdi de unatady. Onyń kitaby - qıyndyqty jáne ómirden túńilgen kezde jeńýge degen talpynys týdyratyn shyǵarma. Ózińe senip, baqytty bolýǵa áreket etýdi nasıhattaıdy. Nık óziniń fızıkalyq jaǵdaıy men ýaıymdary jaıly ashyq baıandaıdy, óziniń múgedektigine kóndigý aýyr bolǵanyn, ózine qol jumsamaq bolǵan kezderi bolǵanyn jasyrmaıdy. Óz máselelerinde bóget emes, aldyǵa úlken maqsat qoıyp, qalaǵanyna qol jetkizý múmkindigin kórip úırenýge az ýaqyt jumsaǵan joq .  Qol-aıaǵy bolmasa da ol kóterile aldy. Óz kitabynda ol ózine kómektesken ómir súrýdiń erejelerin oqyrmandarymen bólisedi.

3.Ihak Pıntosevıch "Ómir súr!" 

Bul kitap- sońǵy ýaqyttaǵy medıına, fızıologııa jáne psıhologııa salalaryndaǵy jańalyqtar men Olımpıada sportshylaryn daıyndaý qupııalarynyń sıntezi. Avtor Ihak Pıntosevıch buryn álemdik deńgeıdegi kásibı sportsmen, jattyqtyrýshy, kásipker adam. Bul kisi kóp ýaqytyn jumysta ótkizip, maqsattaryna jetýge umtylǵan, biraq jumys grafıkterin ózgertýge qulyqsyz adamdarǵa arnalǵan erekshe baǵdarlama jasap shyǵardy. Baǵdarlama maqsaty - olardy buzylýdan, aýrýlar men kúızelisterden qutqarý. Osy baǵdarlama aıasynda qýattylyq deńgeıin kóterip, densaýlyqty jaqsartyp, tirshilikte tabystyń joǵary deńgeıine jetýge bolady.

4.Igor Mann."Birinshi".

Adamnyń alǵa umtylýyn kórsetetin "Men ózimdi bes jyldan keıin qalaı elestetemin" degen tanymal jattyǵý bar.  Kópshilik adamdar birinshi bolǵym keledi, salamnyń betke ustary bolsam deıdi, biraq berilgen ýaqyt aralyǵynda tańdalǵan maqsatta birdeńe tyndyratyndar az. Tek qolǵa alynǵan is áreket qana tulǵanyń naqty masshtabyn kórsetedi. Ózińdi óziń jasaý ońaı emes: nátıjege kóp jaǵdaı yqpal etedi. Barlyǵy sııaqty, josparǵa sáıkes qımyldaý kerek. Bul kitap sondaı jospar usynady. Ony ózińizge qaraı buryp, ózgertýge bolady

5.Djosh Vaıkın. " Oqý óneri".

Bul Djoshýa Vaıkınniń avtorlyq ómirbaıany. Ol 9 jasynda shahmattan ulttyq chempıonatty jeńip alǵan jáne 28 jasynda taızı jekpe-jek ónerinen chempıon bolǵan. Eki túrli sporttan mundaı nátıjene qalaı qol jetkizdi? Djoshýa ózin shahmattan nemese taızıden myqtymyn dep eseptemeıdi. Ol " men oqyp úırenýde myqtymyn " deıdi. Kitapta ol óz hıkaıasymen baıandap, shyńǵa eki ret kóterilýge múmkindik bergen oqý prınıpterimen bólisedi. Bul jaı ǵana hıkaıa emes, bul kez-kelgen jetistik , chempıondyq deńgeıde bolsyn, týa bitken talantpen emes, durys ómir súrý men durys daǵdylarmen psıhologııalyq daıyndyq arqasynda keletinin dáleldeıtin shyǵarma.

Jaras NURBOLULY

Sońǵy jańalyqtar