4 Sáýir 2019, 13:44 1543 0 Tehnologııalar "Túrkistan" gazetiniń avtorlary

JOLDYŃ JAIYN JAN-JAQTY OILAITYN JIGIT

«Qazaqstandyqtar salatyn jańa magıstraldy joldar bizdiń ekonomıkamyz ben qoǵamymyzdy jańartady. Olar bizdiń elimizdiń barlyq túkpirin ortalyqpen berik baılanystyrady. Anyǵy, júk tasymaly jedeldeıdi jáne ulǵaıady. El arqyly tranzıt kólemi artady. Bizdiń azamattarymyz zamanaýı jáne sapaly avtomagıstraldarmen júrip, kez kelgen óńirge qaýipsiz jáne tez jetetin bolady. Áleýmettik ınfraqurylym jaqsarady, jańa jáne zamanaýı mektepter men aýrýhanalar joǵary sapaly qyzmetter kórsetedi», – dep Elbasynyń atap kórsetkeni beker emes. Óıtkeni el ekonomıkasynyń damýy kólik qatynasynyń órkendeýimen tyǵyz baılanysty ekeni sózsiz. Rasynda da jol tranzıti el áleýetin arttyrady. Sondyqtan elimiz tranzıttik tasymaldan orasan zor paıda taýyp otyr. Muny joqqa shyǵara almaımyz. Dál qazirgi ýaqytta Elbasy tapsyrmasyna oraı, respýblıkamyzdyń túkpir-túkpirinde sapaly jol salýǵa qatysty jumystar qarqyndy júrgizilýde. Olardyń basy-qasynda osy salany jetik biletin bilikti basshylar, myqty mamandar júr. Solardyń biri – «QazAvtoJol» ulttyq kompanııasy» akıonerlik qoǵamy Shyǵys Qazaqstan oblysy fılıalynyń dırektory Aıbek Amanbekuly Ánýarbekov.

– Rasynda «Nurly jol» memlekettik baǵdarlamasy osy salanyń damýyna mol serpin berdi. Óıtkeni Elbasynyń jetkilikti kóńil bólýiniń arqasynda tranzıttik áleýetimiz artty. Jańadan jumys oryndary ashyldy. Servıstik qyzmet sapaly túrde jolǵa qoıyldy. Sondyqtan bizdiń basty mindetimiz – joldyń durys, sapaly salynýyn qadaǵalaý. Sonymen qatar, tozyǵy jetken joldardy qaıta jóndeý. Qazaqstan halyqaralyq dálizde ornalasqandyqtan joldyń sapaly bolýyna basty nazar aýdaramyz. Bul rette memleket osy salaǵa Elbasy tapsyrmasyna oraı orasan zor qoldaý kórsetip jatyr. Bul óte qajet, – deıdi «QazAvtoJol» ulttyq kompanııasy» akıonerlik qoǵamy ShQO fılıalynyń dırektory Aıbek Amanbekuly. Rasynda da qazirgi ýaqytta Shyǵys Qazaqstanǵa qaraıtyn aımaqta jol salasynda qarqyndy jumys júrgizilýde. «Nurly jol» baǵdarlamasynyń aıasynda respýblıkalyq mańyzy bar 6 ýchaskede, atap aıtar bolsaq, «Omby-Maıqapshaǵaı, Taskesken-Baqty, Óskemen-Zyrıanovsk-Rahman qaınary» baǵytynda joldyń ústińgi qabatyn jabý jumystary jolǵa qoıyldy. Bul baǵyttaǵy joldardy qaıta jóndeýge jergilikti «Gordostroı» jáne «Zaısan» jol qurylys kompanııalary men basqa da fırmalar atsalysty. Qazirgi ýaqytta Omby-Maıqapshaǵaı Ortalyq-Shyǵys dálizin qaıta jóndeý jumystary aıaqtalýǵa jaqyn. Sondaı-aq aımaqtaǵy apatty jaǵdaıdaǵy 5 kópirge kúrdeli jóndeý jumystaryn júrgizý úshin jobalyq-smetalyq qujattary bitýge taıaý. Muny da jergilikti kásiporyndar atqarýda. Bul ǵana emes, jol salasynda qaıta qaraıtyn jumystar da jetkilikti. Bir ǵana mysal, úlkendi-kishili mashınalar kóp júretin bolǵandyqtan, jol oıdym-oıdym shuńqyrǵa aınalyp ketedi. Mundaı jerlerdi ýaqtyly qarap, jóndep turý kerek. Sondaı-aq jol jıegindegi arnaıy belgilerdi ornatý men olardyń joıylyp ketpeýin qadaǵalaý da «Qazavtojol» qyzmetkerleriniń enshisinde. Salynǵan kópirler, jol jıeginde qorshaýlar, jolasty sýaǵarlarynyń barlyǵyn da nazardan tys qaldyrýǵa bolmaıdy. Olarǵa da baqylaý kerek, tozǵanyn jańartyp, qulaǵanyn ornyna qoıý qajet. Munyń barlyǵy da únemi qadaǵalaýdy qajet etedi. Sondyqtan «Qazavtojol» qyzmetkerlderiniń jumysy tek qana jol salýmen shekteledi desek, ol durys emes. Munyń barlyǵy da tııanaqtylyqty qajet etetin keshendi jumys. Jyldyń qaı mezgilinde de jol salasyndaǵylar úshin jumys toqtamaq emes. Qar qalyń jaýsa, qysqy joldy tazalaý, qar qursaýynda qalyp qoıǵan kólikterdi apattan qutqarý, oqys jaǵdaıda olardy dittegen jerine jetkizý munyń barlyǵynda sala qyzmetkerleriniń jumysy orasan. Sondyqtan ásirese qys aılarynda olardyń jumysy kóbeıedi. Qazirgi ýaqytta qysqy joldardy saqtaýǵa jáne ony qadaǵalaýǵa qatysty Shyǵys Qazaqstan oblysynda «Qazavtojoldyń» 12 bólimshesi jumys isteıdi. Atalǵan mekemelerdiń barlyǵy da arnaıy tehnıkamen qamtamasyz etıilgen. Arnaıy jabdyǵy bar qar tazalaýmen aınalysatyn 162 tehnıka bar. Sonymen qatar, jergilikti basqa da kásiporyndardan 26 tehnıka jalǵa alynǵan. Munyń barlyǵy da jolǵa shyqqan júrginshilerdiń tıisti jerine jetýi úshin jasalynyp otyr. Árıne, jol – muraty jetý. Biraq jolda ártúrli jaǵdaılar bolyp jatady. Kún sýytady, burqasyn bolady. Kóktaıǵaq bolady. Sondyqtan júrgizýshiler men jolaýshylar jolda qalyp ketpes úshin arnaıy olarǵa tynyǵý alańdary jasalynyp qoıylǵan. – Bıylǵy 2019 jylda alǵa qoıylǵan maqsat kóp, Jospar bar. Basty másele – jumysty sapaly júrgizý. Bul oraıda bizdiń mamandar myqty, tájirıbeli ekenin maqtanyshpen aıta alamyz. Talaı synnan ótken qyzmetkerler. Olar óz isin jetik biledi. Sondyqtan bizdiń jumysta kinárat bolmaıdy, – deıdi «QazAvtoJol» ulttyq kompanııasy» akıonerlik qoǵamy Shyǵys Qazaqstan oblysy fılıalynyń dırektory Aıbek Amanbekuly Ánýarbekov.

Árıne, mundaı isker, tájirıbeli basshy qaı jerge bolsa da qajet. Osyny eskergen bolýy kerek, «Qazavtojoldyń» basshylyǵy Aıbek Amanbekuly Ánýarbekovty jaqynda basqarmaǵa qyzmetke shaqyrdy. Bul árıne úlken abyroı. Ol qazir «Qazavtojol» ulttyq kompanııasy basqarmasynyń jol paıdalaný departamentiniń dırektory bolyp qyzmet isteıdi. Bul zor jaýapkershilik, basshylyq tarapynan Aıbekke artylǵan úlken senim dep oılaımyz. Buryn Aıbek Amanbekuly Shyǵys óńirdi, Kendi Altaı aımaǵynyń joldaryn basqarsa, endi ol tikeleı respýblıkalyq jáne halyqaralyq mańyzy bar joldarǵa basshylyq etetin bolady.

Ol jýyrda Shyǵys Qazaqstan, Aqmola oblystarynyń jol, kópir qurylystaryn kórip, aralap qaıtty. Óıtkeni kún jylyndy, kóktem keldi, qar erip, sý tasıdy. Sondyqtan taǵy bir baqylap, qaıtpasa, bolmaıdy. Osyǵan baılanysty tapsyrmalar berdi.

Shyǵys Qazaqstan oblysynda óz kóligimen júrip, salynǵan joldardy kórip, aralap, jumystyń sapasyna kóp kóńil aýdaratyn Aıbektiń bul qyzmette de abyroı bıiginen kórinetinine bek senemiz. Elimizdiń tuńǵysh Prezıdenti, Ult kóshbasshysy Nursultan Nazarbaev bıyl «jastar jyly» dep jarııalaǵan tusta Aıbekteı isker azamattyń «Qazavtojol» basqarmasyna kelýi de zańdy qubylys dep oılaımyz. Óıtkeni, «jas kelse – iske» deıdi halyq danalyǵy. Bul laýazymda da Aıbek Amanbekuly ózin isker basshy retinde dáleldep, kórsete alady. Oǵan bizdiń senimimiz mol. Óıtkeni ol joldyń jaıyn jaqsy biletin jigit. Al mundaı azamattardyń joǵary laýazymǵa kelýine tek qana qýana bilýimiz kerek. Óıtkeni Aıbek Amanbekuly Ánýarbekov bul qyzmette de óziniń zor áleýetin kórsetedi dep oılaımyz.

 

Mıra Myrzaǵalıqyzy,

Shyǵys Qazaqstan oblysy

Sońǵy jańalyqtar