4 Sáýir 2019, 13:36 807 0 Syrtqy saıasat Túrkistan Gazeti

YNTYMAQTASTYQ ARTYP KELEDI

Jýyrda Qazaqstan Syrtqy ister mınıstriniń orynbasary Roman Vasılenko Italııa Parlamentiniń, Italııa Syrtqy ister jáne ekonomıkalyq damý mınıstrlikteriniń basshylyqtarymen kezdesti. Qazaqstannyń álem elderimen saýda-yntymaqtastyq baılanysy jyl artqan saıyn nyǵaıyp, ol óz kezeginde ekonomıkanyń ósýin ilgeriletýde. Elimiz 2018 jyly jahandyq básekege qabilettilik ındeksiniń jyl saıynǵy reıtınginde 140 memlekettiń ishinen 59-orynǵa turaqtaǵany belgili.

Italııa ekonomıkalyq damý mınıstriniń orynbasary Andrea Chıoffımen ótken kelissózder sheńberinde taraptar saýda-ekonomıkalyq jáne ınvestıııalyq salalardaǵy ekijaqty yntymaqtastyqtyń keń aýqymdy máselelerin talqylady. Kezdesý barysynda R. Vasılenko dıplomatııalyq qatynastar ornatylǵan 27 jyl ishinde Qazaqstan men Italııa ekijaqty yntymaqtastyqty damytýda áserli tabystarǵa qol jetkizgenin atady. Italııa elimizdiń ekinshi saýda seriktesi, taýar aınalymy 13 mlrd. AQSh dollary. Taraptar arasyndaǵy strategııalyq áriptestik, saýda-ekonomıkalyq jáne saıası yntymaqtastyqty odan ári nyǵaıtý jónindegi birqatar sharalar qabyldanbaq. Kezdesý barysynda Qazaqstannyń kóliktik-logıstıkalyq áleýetine jáne Jibek jolynyń jańa tujyrymdamasyn iske asyrýdaǵy elimizdiń negizgi róline erekshe nazar aýdaryldy. Taraptar iske kirisken birikken qazaqstan-ıtalıandyq kásiporyndardy qoldaý sondaı-aq ıfrlyq tehnologııalar, ınfrastrýktýralyq damý jáne agrokásiptik keshen salasyndaǵy jańa birlesken jobalardy ázirleý arqyly yntymqastyqty nyǵaıtýǵa umtylysyn atap ótti. Bir aıta keterligi qazirgi ýaqytta QR-da Italııanyń qatysýymen 164 birikken kásiporyn jumys isteıdi.

QR syrtqy saıası vedomstvo basshysynyń orynbasary R. Vasılenko Italııa Parlamenti Depýtattar palatasynyń vıe-prezıdenti Ettore Rozatomen jáne Depýtattar palatasynyń kvestory (jaýapty hatshy), Qazaqstan-Italııa dostyq tobynyń tóraǵasy Edmondo Chırellımen de kezdesti. Ekijaqty jáne kópjaqty sıpattaǵy ózekti máseleler boıynsha pikir almasty. Parlamentaralyq baılanystardy, sonyń ishinde yntymaqtastyq toptarynyń belsendi ózara is-qımyly jáne zańnamalyq qyzmettegi tájirıbe almasý arqyly damytýdyń mańyzdylyǵyn atap ótti. Osy turǵyda Mınıstrdiń orynbasary ıtalıan zań shyǵarýshy organ basshylarynyń 23-24 qyrkúıekte Nur-Sultan qalasynda ótetin «Úlken Eýrazııa: Dıalog. Senim. Áriptestik» Eýrazııa elderi Parlamentteri Spıkerleriniń 4-keńesine qatysýlaryna úmitin bildirdi. Italııalyq zań shyǵarýshylar Qazaqstan men Italııa arasyndaǵy ekijaqty qarym-qatynastardyń damýyna joǵary baǵa bere otyryp, parlamentaralyq qatynastardyń áriptestikti damytýdaǵy mańyzdy qural ekenin aıtty. Kezdesýdiń qorytyndysy boıynsha belsendi parlamentaralyq baılanystardy jalǵastyrý týraly ýaǵdalastyqqa qol jetkizildi.

Roman Vasılenko sapar sońynda Halyqaralyq uıymdardaǵy ıtalıandyq qoǵamynda (SIOI) «Ortalyq Azııa jáne aımaqtyq turaqtylyq: Qazaqstannyń strategııalyq róli» taqyrybymen bolashaq dıplomattar aldynda lekııa oqydy. Mınıstrdiń Orynbasary ıtalıandyq stýdentterdi Nur-Sultannyń Ortalyq Azııa memleketterimen yntymaqtastyqty nyǵaıtýdaǵy dáıekti baǵytymen tanystyrdy, sonymen qatar elimizdiń saıası ómirindegi jańa ózgerister aıasynda osy kýrstyń jalǵasyp kele jatqanyn atap ótti.

Mamandardyń boljamy boıynsha Qazaqstan osy jyly jahandyq básekege qabilettilik ındeksinde taǵy birneshe satyǵa joǵarylaýy múmkin. Ótken jyly reıtıng júrgizý júıesindegi ındıkatorlardyń 70-ke jýyq paıyzy jańartylǵandyqtan, nátıjelerdi ózge jylmen tikeleı salystyrý múmkin bolmaǵan. Sonyń ózinde 12 faktor boıynsha ósim baıqalǵan edi. Onyń ishinde: ınstıtýttar, taýarlar men eńbek naryǵy, ınfraqurylym jáne qarjylandyrý júıesi jaqsarǵan. Sondaı-aq, 140 memlekettiń ishinen Qazaqstan akıonerlerdiń quqyǵy, quqyqtyq bazanyń tutastyǵy, elektr jelisimen qamtamasyz etý salalary boıynsha alǵa shyqqan. Jeke is ashý qoljetimdiligi boıynsha – 7-shi jáne múddeler daý-damaıyn retteý boıynsha 11-satyǵa kóterilgen-di. Bul kórsetkishtermen Qazaqstan TMD elderi arasynda Reseıden keıin ekinshi orynda kórindi. Al álem boıynsha alǵashqy tórttikti ótken jylǵydaı AQSh, Sıngapýr, Germanııa jáne Shveıarııa bastap tur.

«Túrkistan-aqparat»

Sońǵy jańalyqtar