3 Sáýir 2019, 15:31 1154 0 Densaýlyq Túrkistan Gazeti

Medbıke múgedek jasaýshy ma? Nemese olardyń biliktiligi nege qadaǵalanbaıdy?

Jelide  1 jasar Nurıslam Tasbolattyń klızma jasaý kezinde kúıip qalǵany jaıly aqparat qyzý talqyǵa túsýde. Ol Shymkenttegi qalalyq juqpaly aýrýlar aýrýhanasyna 25 naýryz kúni túsken.  

Bala qusyp, qyzýy kóterilgennen keıin dárigerler JRVI dıagnozyn qoıǵan. Birneshe kún tamyrdan dári qabyldaǵan. 28 naýryzda dáriger klızma jasaý kerektigin aıtqan. Óıtkeni bala 3 kún boıy úlken dáretke barmaǵan. Al meıirimsiz medbıke óz isine salǵyrt qarap ystyq sýmen klızma jasaǵan. Bul jaıynda anasy Araınur Qalqaman: "klızma jasalǵanyna 5 kún bolsa da balada maza joq. Jylap jatyr, dáretke otyrǵanda qan túsedi. Dárigerler barlyq jaǵdaıdy jasaımyz, alańdama dep aıtty. Árıne, maǵan balamnyń tez jazylyp ketkeni kerek. Osyǵan quzyrly oryndar nazar aýdarsa dep sýreti men vıdeosyn jelige saldyrtqanym ras», – dedi BAQ ókilderine bergen suhbatynda. Al ákesi Erbolat Samenov: «Quzyrly mekeme qyzmetkerleri keshirim surap jatyr, biraq maǵan balamnyń densaýlyǵy kerek», – deıdi.

Oqys oqıǵadan Densaýlyq saqtaý mınıstri Eljan Birtanov ta qulaǵdar bolǵan. «Bul týraly maǵan búgin tańǵy 7-de málimet kelip tústi. Qazir bul baǵytta jumys jasap jatyrmyz. Kimniń kináli ekenin anyqtaıtyn bolamyz. Bul jaıtqa qatysty tolyq málimetti keshke deıin berýge tyrysamyz», – dedi mınıstr jýrnalısterge bergen suqbatynda.

Erbolat Samenovtyń týǵan aǵasy Bekbolat Qarajan janaıqaıyn áleýmettik jeli arqyly jetkizdi. «Maǵan balanyń ákesi, ózimniń týǵan inim Erbolat kóńil kúıi buzylyp qazir habarlasty. Keshegi Shymkenttegi «Juqpaly aýrýlar aýrýhanasyndaǵy» dárigerlerdiń nemquraılylyǵy men biliksizdiginen balaǵa qaınaǵan sýmen klızma jasap, reanımaııadan shyǵaryp, termııalyq kúıikke shaldyqqan balapanymyzdyń jaǵdaıy týraly telearnada aýrýhananyń bas dárigeri Amangeldi Nurlybaev aqparat bergen bolatyn. Ol óziniń aıtýynsha, balanyń jaǵdaıy qalypty, qanaǵattanarlyq dep toqtapty. Keshe mınıstrlik tarapynan balany Shymkent qalasyndaǵy «Nursát» móltek aýdanyndaǵy arnaıy aýrýhanaǵa aýystyryp edi. Men qazir balanyń anasyna ózim habarlasyp jaǵdaıyn bildim. Bala qan qusypty. Úlken dáreti da qan aralas bolyp shyqqan. Úlken dáret kezinde bala qatty qınalyp, shyrqyrap jylaıdy. Kishkentaı ǵana náreste ne aıtyp, qalaı jetkizerin bilmeıdi. Endi jaǵdaı osylaı bola tura aýrýhananyń bas dárigeri balanyń densaýlyǵy qatypty, qanaǵattanarlyq dep qalaı aıtyp otyr? Muny qalaı túsinemiz, Amangeldi myrza? Biz TengriNews-qa eshqandaı da narazylyǵymyz joq, eshqandaı da daýymyz joq dep aqparat bermegen edik. Olardyń aıtyp otyrǵany ne masqara? Men osy aqparattardy oqyp otyryp, jaǵamdy ustap otyrmyn. Balanyń jaǵdaıy jaqsy, ana-anasynyń eshqandaı da daýy men qarsylyǵy joq dep olar qandaı negizben sóılep otyr? Álde bizdiń qulaǵymyz kereń, kózimiz kór me? Álde arnaıy tapsyrma aldy ma? Mundaı arandatýlaryn doǵarmasa, olardyń ústinen osy aqparatty taratqany úshin jaýapqa tartatynymyzdy qatań eskertemiz. Balanyń ata-anasy eshqandaı da saıtqa qarsylyǵymyz joq dep suhbat bergen joq. Sizder osy halyqqa qyzmet etip otyrsyzdar ma? Mynaý saıttyń taratqan aqparattary qylmystyq is júrgizýge negiz bolatynan atap ótemiz. Jaýap berińiz osy suraqtarǵa, Amangeldi myrza! Jandaryń aýyrmaıtyn qandaı dárigersińder? Balanyń shybyn jany shyrqyrap jatqanda, onyń taǵdyrymen oınaǵandy doǵarmasańdar, aldaǵy ýaqytta batyr ekenderińdi kóremiz... Men bul jazbany mınıstr Birtanovtyń, mınıstrliktiń resmı saıtyna taǵy da joldaımyn. Balany búgin Almatydaǵy aýrýhanaǵa jan jaqty tekserýge ushaqpen alyp barady. Densaýlyq saqtaý mınıstr Eljan Birtanov myrza bul jaǵdaıdy óz quzyryna alyp, barlyq sharalardy jasap otyrǵanyn aıtyp ótemiz. Men qazir Elordadaǵy «Nurotan» HDP qoǵamdyq qabyldaý keńesi basshysynyń orynbasary Arystanǵalı Sansyzbaevpen habarlastym. Arystanǵalı myrza balany Almatyda nemese Elordada qaldyratyny jaıynda dáriger mamandardyń ózi sheshim qabyldaıtynyn, ózi mınıstrlik tarapynan bul jaǵdaıdy taǵy da qatań qadaǵalaýǵa aldyratynyn aıtty. Men bulardyń mynaý soraqy sózderinen keıin Shymkenttegi aýrýhanalarǵa asa senimsizdik bildirip, balany qaıtkende de Nur-Sultan qalasyndaǵy «Ana men balany ońaltý» ortalyǵyna aldyryp, durys qaraýǵa, em-domyna jaǵdaı jasańyzdar dep ótinish bildirdim. Sebebi, balanyń Shymkenttegi aýrýhanada qaıta qaldyrylatynyna alańdap otyrmyz. Senbeımiz. Bizge qazirgi ýaqytta balanyń densaýlyǵynyń jaqsarýy ǵana úlken másele bolyp otyr» deıdi B. Qarajan.

Sońǵy jańalyqtar