20 Qyrkúıek, 15:14 974 0 Jańalyqtar Anar LEPESOVA

Elordadaǵy "búkir kópir" qulady

Elordanyń Alash tas joly boıyndaǵy «búkir kópir» atalyp ketken kópirdiń bir jaq sheti opyrylyp qulady.

Nur-Sultan qalalyq tótenshe jaǵdaıdar departamnetiniń málimetishe, kópirdiń qulaǵany týraly aqparat búgin tańerteńgi saǵat 04-50-te túsken. Oqıǵa ornyna mán-jaıdy anyqtaý úshin TJD mamandary attanǵan.

Nátıjesinde «QazaqJolQurylys» JShS-nyń kópirdi bólshekteý jumystary barysynda temir-beton arqalyqtyń temir joldyń ústine qulaǵany anyqtalǵan.

«Oqıǵa ornynda joldy tazalaý, kópirdi bólshekteý jumystary júrgizilip jatyr. Poıyz qozǵalysynda irkilis joq. Kópir ústimen mashınalardyń júrýine tek sol jaq bóligi ǵana jabylǵan. Qaza tapqandar men zardap shekkender joq», - dep atap ótedi departamentten.

 

Sońǵy jańalyqtar