20 Qyrkúıek, 13:36 439 0 Aımaq Anar LEPESOVA

Mańǵystaýda deltaplan qulady

Mańǵystaýda deltaplan qulap, er adam qolyn syndyrdy. Oqys oqıǵa Qaraqııa aýdanynda Shopan ata kıeli ornyna barar jolda bolǵan. Bul týraly Mańǵystaý oblysynyń Tótenshe jaǵdaılar departamentiniń baspasóz qyzmeti habarlady.

Vedomstvonyń habarlaýynsha, Mańǵystaý oblystyq tótenshe jaǵdaılar departamentine qarasty daǵdarys jaǵdaılarynyń basqarmasyna motorsyz ushatyn apparattyń qulaǵany jaıly habarlama kelip túsken.

«Deltaplan qulap, sonyń saldarynan zardap shekken 1988 jylǵy azamatqa kómek kórsetý úshin oqıǵa ornyna quramynda 5 adamy bar qutqarýshylar toby bardy. Eki qoly synǵan azamattyń óz kúshimen áreket etýi múmkin bolmaǵan. Sol jerde zardap shekken azamatqa alǵashqy medıınalyq kómek kórsetilip, alpınıstik jaraqtardyń kómegimen ony jardan túsirip, aýrýhanaǵa jetkizildi»,- dedi Mańǵystaý oblysy Tótenshe jaǵdaılar departamenti bastyǵynyń orynbasary Bekbolat Ábdiqadirov.

 

Sońǵy jańalyqtar