20 Qyrkúıek, 12:15 331 0 Praımerız Anar LEPESOVA

Praımerız kandıdattary almatylyqtardy Qala kúnimen quttyqtady (vıdeo)

Búgin praımerızge qatysýshylar ózderiniń jeke paraqshalarynda almatylyqtardy Qala kúnimen quttyqtady.

Partııa músheleri óz úndeýinde bul mereke barlyq mamandyq, jas jáne ult ókilderin biriktiretinin bir uǵym – árkimniń óz týǵan qalasyna degen súıispenshiligin atap ótti.

Almaty - erekshe qala, ol keremet energetıkasy men bedeli bar Qazaqstannyń iri megapolısi bolyp tabylady. Qalanyń damýy men tańǵajaıyp tarıhyna shamamen 1000 jyl tolyp otyr.

Qala qurylǵannan beri kóptegen ómirlik syndarǵa tap boldy, biraq almatylyqtar olardy árdaıym jeńe bildi.

Bıylǵy jyly da solaı boldy. Praımerızge qatysýshylardyń biriniń aıtýynsha, Almaty qalasynyń turǵyndary osy jyly osyndaı qıyn kezeń – pandemııa kezinde erekshe tózimdilik pen uıymshyldyq tanytty.

«Biz dárigerlerdiń, eriktilerdiń jáne biz úshin osy qıyn ýaqytta aıanbaı qyzmet atqarǵan, óz úlesin qosqandardyń eńbegin kóbirek baǵalaı bastadyq»,-dedi úmitker óz quttyqtaýynda.

«Nur Otan» pandemııa kezinde de shette qalmaǵanyn atap ótý kerek. Osy kezeńde qala turǵyndaryna kómek kórsetý maqsatynda partııanyń qalalyq fılıaly qalanyń 150 myńnan astam az qamtylǵan otbasylarǵa qoldaý kórsetti. Onyń ishinde «Almaty Birgemiz» qory arqyly 50 myń teńge kólemindegi materıaldyq kómek, azyq-túlik sebetteri, sanıtarlyq qorǵaý quraldary, kúndelikti ystyq tamaq, medıınalyq maskalar jáne t.b. zattar berildi. Bul rette almatylyq «Jas Otan» eriktileri men partııa músheleriniń ózderi de mańyzdy ról atqardy.

Quttyqtaýlarǵa «Nur Otan» partııasy qalalyq fılıaly tóraǵasynyń birinshi orynbasary Stanıslav Kankýrov ta qosyldy. Óziniń áleýmettik jelisindegi jeke paraqshasynda ol barlyq almatylyqtardy merekemen quttyqtap, jyldan jylǵa qalanyń zamanaýı jáne tylsym kórikke ıe bolyp kele jatqanyn atap ótti. Bul bizdiń basty baılyǵymyz – qalamyzdy shyn júrekten jaqsy kóretin almatylyqtardyń úlken eńbegi.

«Barshamyzdy ortaq maqsat – qalany jaqsartý jáne yńǵaıly etý biriktirýde. Barlyǵyn osy aıtýly kúnmen quttyqtaımyn jáne turǵyndarǵa kúsh-qýat, shattyq, jańa ister men jetistikterge shabyt tileımin. Barlyq josparlar oryndalsyn», - dep jazdy ol.

Óz kezeginde «Nur Otan» partııasynyń Almaty qalalyq fılıaly quttyqtaýlarǵa qosylyp, jerlesterimizge kóterińki kóńil-kúı, tabys, baqyt, zor densaýlyq jáne amandyq tileıdi!

Sońǵy jańalyqtar