20 Qyrkúıek, 12:44 31984 0 Jahan Anar LEPESOVA

Qarashadan bastap Lýkashenko Belarýs basshysy retinde moıyndalmaýy tıis — Eýroparlament

Belarýs prezıdenti Aleksandr Lýkashenko 5 qarashadan bastap eldiń resmı basshysy retinde moıyndalmaýy tıis. Bul týraly Eýroparlament depýtattary málimdedi, dep habarlaıdy Reuters.

«5 qarashada qazirgi avtorıtarlyq kóshbasshy Aleksandr Lýkashenkonyń ókilettik merzimi aıaqtalǵanda parlament ony Belarýs prezıdenti dep moıyndaýdy toqtatady», - delingen zań shyǵarýshy organ málimdemesinde. Lýkashenkony ulyqtaý rásimi 2015 jyldyń  5 qarashasynda ótken bolatyn. Demek, 2020 jyldyń 5 qarashasynda onyń besinshi prezıdenttik merzimi aıaqtalmaq.

Buǵan deıin Eýroparlament Lýkashenkoǵa qarsy sankııalardyń engizilýin qoldaǵan edi. «Belorýssııadaǵy saılaý nátıjeleriniń burmalanýyna jaýapty tulǵalarǵa, onyń ishinde Aleksandr Lýkashenkoǵa qarsy Eýroodaq sankııalaryn tolyq qoldaımyz», - delingen Eýroparlament qujatynda. Sońǵy sheshimdi Eýroodaq qabyldamaq.

Aıta keteıik, Belarýsta 9 tamyzda ótken prezıdent saılaýynan keıin narazylyq sherýleri tolastamaı keledi. Narazy top saılaý nátıjeleriniń durystyǵyna, ıaǵnı Aleksandr Lýkashenkonyń 80 paıyzdan astam daýys jınaǵanyna senbeıdi.

Sońǵy jańalyqtar