20 Qyrkúıek, 10:38 464 0 Jahan Anar LEPESOVA

COVID-19: Ispanııada karantın qaıta kúsheıtildi

Ispanııada koronavırýs qaıta órshidi. Indettiń taralýyn toqtatý úshin Madrıd bıligi qalanyń birneshe aýdanynda shekteý sharalaryn kúsheıtýge májbúr boldy.  

850 myń adam turatyn aýdandardy qamtıtyn shekteý 2 aptaǵa sozylady. Turǵyndar úılerinen tek jumysqa, mektepke nemese dárigerge qaralý úshin ǵana shyǵa alady. Saıabaqtar jabylyp, dúkender keshki saǵat 22:00-ge deıin ǵana jumys isteıdi. 6 adamnan kóp kisiniń jınalýyna tyıym salynady.

Qala turǵyndary shekteýler negizinen kedeı aýdandarǵa engizilgeli jatqanyn aıtyp, shaǵymdanýda. Olardyń pikirinshe, jańa shekteýler esh nátıje bermeıdi. Sebebi metrolarda adam kóp.Qoǵamdyq kólikke kúnniń qaı mezgilinde de jolaýshy qarasy úzilmeıdi. Sondyqtan metro vırýstyń taralýyn órshitetin negizgi oryndardyń birine aınalyp otyr deıdi madrıdtikter.

Djons Hopkıns ýnıversıtetiniń dereginshe, pandemııa bastalǵaly Ispanııada 640 myńnan astam adam koronavırýs juqtyrǵan. Elde indet qurbandarynyń sany 30 myńnan asty.

Al álemde indetke shaldyqqandar sany 30,6 mıllıonnan asyp jyǵyldy. Qaterli vırýstan 955 841 adam qaıtys boldy.

Aıta keteıik, ótken táýlikte Qazaqstanda 63 adamnan koronavırýs anyqtalyp, indet juqtyrǵandardyń jalpy sany 107 262-ge jetti. Indetten 1671 otandasymyz kóz jumdy. 102 myńǵa jýyq adam emdelip shyqty.

Sońǵy jańalyqtar