4 Qyrkúıek, 15:03 1354 0 Jańalyqtar Araılym Bımendıeva

«Ashyq júrek» jobasy eriktilerge granttar usynady

Búgin eriktilerge jańa múmkindik beretin «Ashyq júrek» jobasy tanystyryldy. Joba Azamattyq bastamalardy qoldaý ortalyǵynyń tapsyrysy boıynsha Aqparat jáne qoǵamdyq damý mınıstrliginiń qoldaýymen iske asyrylady. Jobanyń maqsaty – turǵyndar arasynda eriktilerdiń jumysyn nasıhattaý, olardyń bastamalaryn qoldaý. 

Joba aıasynda 107 grant bólinedi, onyń ishinde quny 300 myń teńge bolatyn 56 grant elimizdiń barlyq aımaǵy boıynsha, al 42 grant 14 oblystaǵy eriktiler men eriktiler uıymdaryna berilmek. Al quny 500 myń bolatyn 9 grant  respýblıkalyq mańyzy bar qalalardaǵy eriktiler men eriktiler uıymyna  usynylady. Aıta ketsek, jobaǵa qatysqysy keletin azamattar liga.org.kz platformasyna tirkelip, ótinish berý kerek.

«Ashyq júrek» jobasy aıasynda Qazaqstannyń eriktiler qozǵalysy jańa 20 myń bastamashyl eriktini qatarǵa qosýǵa nıetti. Sondaı-aq bul joba aıasynda óńirlerde eriktilerdiń jańa 17 úılestirý ortalyǵy ashylady.

Sońǵy jańalyqtar