29 Mamyr, 18:29 545 0 Aımaq Anar LEPESOVA

Sel sergeldeńi: B.Ótemuratovtyń qorynan eltaılyqtarǵa 50 myń teńgeden beriledi

Shymkent irgesindegi selden zardap shekken aýyl turǵyndaryna Bolat Ótemuratovtyń qorynan 50 myń teńgeden bólindi.

Atap aıtqanda, tasqyn sý shaıǵan Eltaı aýylyndaǵy 91 otbasy múshelerine qor atynan 26 mln 500 myń teńge berildi, dep habarlaıdy QazAqparat.

Atalǵan shara qalalyq Tótenshe jaǵdaılar departamentiniń bastamasymen uıymdastyrylǵan. Departament qyzmetkerleri tasqynnan zardap shekken eldi mekendegi jaǵdaıdy baǵalap, úılerin sý shaıǵan otbasylardy anyqtaǵan bolatyn.

Qazaqstannyń Qyzyl Jarty aıy qoǵamdyq qorynyń ókilderi Eltaı aýylynyń 530 turǵynyna 50 myń teńgeden berip, aqsha salynǵan bank kartalaryn tabystady. Qaladaǵy karantındik sharalardy eskere otyryp jáne adamdardyń jappaı jınalýyn boldyrmaý úshin kómek kartalary zardap shekken otbasylarǵa aýlalardy aralaý ádisimen jeke qolǵa berildi.

Bólingen qarajat adamdarǵa óz múlikterin ishinara qalpyna keltirýge, sel tasqyny kezinde búlingen zattardy aýystyrýǵa jumsalmaq. Sondaı-aq, turǵyn úıdi jóndeý úshin qurylys materıaldaryn satyp alýǵa jáne qajetti ónimder men taýarlardy satyp alýǵa jaratylmaq.

 

Sońǵy jańalyqtar