29 Mamyr 2020, 15:58 2655 0 Kólik Anar LEPESOVA

14 jasqa deıingi balalar el ishinde ushaqpen tegin qatynaıdy – mınıstrlik

Budan bylaı 14 jasqa deıingi balalar Qazaqstan ishinde ushaqpen tegin usha alady. Bul týraly QR Sport jáne mádenıet mınıstrligi Týrızm ındýstrııasy komıtetiniń tóraǵasy Dastan Rysbekov málimdedi. 

«Ata-analarymen birge el ishinde saıahattaıtyn 14 jasqa deıingi jáne 14 jasqa tolǵan balalar ushaqpen tegin qatynaı alady. Bul rette ata-analardyń bireýi tek 2 balany ǵana tegin alyp júre alady. Sheteldik balalarǵa mundaı jeńildik júrmeıdi. Bul tek qazaqstandyqtarǵa ǵana qatysty», - dedi  Dastan Rysbekov.

Aıta keteıik, buǵan deıin Týrızm ındýstrııasy komıtetiniń tóraǵasy elimizdegi ulttyq tabıǵı parkterde týrızmdi damytý josparyn tanystyrdy.

Sondaı-aq, Dastan Rysbekov pandemııa saldarynan bıyl otandyq týrızm tabysynyń 70-80 paıyzyn joǵaltatynyn málimdegen.

Sońǵy jańalyqtar