28 Mamyr, 13:45 725 0 Zań Anar LEPESOVA

Sport komıteti tóraǵasynyń orynbasarlary bıýdjettiń 380 mln teńgesin jymqyrǵan

Sport jáne dene shynyqtyrý isteri komıteti tóraǵasynyń orynbasarlary tutqyndaldy. 

Bul jóninde QR Sybaılas jemqorlyqqa qarsy is-qımyl agenttigi 1-shi departamentiniń asa mańyzdy ister jónindegi tergeýshisi Danııar Bıǵaıdarov málimdedi.

«Shyǵys Qazaqstan oblystyq sybaılas jemqorlyqqa qarsy qyzmeti sotqa deıingi tergeý barysynda asa iri kólemde bıýdjet qarajatyn jymqyrý faktileri boıynsha QR Qylmystyq-proessýaldyq is júrgizý kodeksiniń 128-babyna sáıkes, Qazaqstan Respýblıkasy Mádenıet jáne sport mınıstrliginiń Sport jáne dene shynyqtyrý komıteti tóraǵasynyń burynǵy jáne qazirgi orynbasarlaryn ustap, Óskemen qalasyndaǵy ýaqytsha ustaý ızolıatoryna qamady», - dedi ol agenttik alańynda ótken onlaın brıfıng barysynda.

Onyń atap ótýinshe, ustalǵandardyń bireýine qatysty sot 2 aı merzimge «qamaýǵa alý» túrindegi bultartpaý sharasyn sankııalady.

Danııar Bıǵaıdarovtyń aıtýynsha, komıtet tóraǵasynyń orynbasarlary Rıdder qalasyndaǵy «Respýblıkalyq mamandandyrylǵan olımpıadalyq rezervtik mektep-ınternaty» RMM-niń 300 orynǵa arnalǵan oqý korpýsy» qurylys nysanyn salý kezinde is júzinde oryndalmaǵan jumys úshin merdigerdiń shotyna 380,8 mln teńge somasynda bıýdjet qarajatyn aýdarý arqyly jymqyrdy degen kúdikke ilingen.

Qazirgi ýaqytta atalǵan faktiler boıynsha sotqa deıingi tergeý júrgizilýde, tergeý múddeleri úshin basqa aqparat jarııa etilmeıdi.

Sońǵy jańalyqtar