28 Mamyr, 11:44 654 0 Jahan Anar LEPESOVA

COVID-19: Ulybrıtanııada naýqastardy testileý jáne qadaǵalaý baǵdarlamasy iske qosyldy

Ulybrıtanııada COVID-19 indetin juqtyrǵandardy testileý jáne qadaǵalaý baǵdarlamasy iske qosyldy.

Baǵdarlamany júzege asyrýǵa jumyldyrylǵan 25 myń qyzmetkeri koronavırýs dıagnozy  rastalǵan naýqaspen qarym-qatynasta bolǵandarǵa baqylaý júrgizedi. Olar indetke shaldyqqandarmen  15 mınýttan artyq baılanysta bolǵandarǵa qońyraý soǵyp, aýrý belgileri baıqalmasa da, 14 kúnge oqshaýlaný qajettigin eskertpek. Bastapqyda bul shara erikti túrde júrgiziledi. Alaıda turǵyndar talapty oryndamaıtyn bolsa, el bıligi qatań sharalarǵa kóshpek.

Ulybrıtanııanyń densaýlyq saqtaý mınıstri Mett Henkoktyń aıtýynsha, búginde memleket kúnine 161 000 test júrgizýge qaýqarly.

Sońǵy derek boıynsha, Ulybrıtanııada koronavırýs juqtyrǵandar sany 267 myńnan asty. Indetten 37 460 naýqas kóz jumǵan.

Aıta keteıik, Qazaqstanda qaterli vırýs 9576 adamnan anyqtaldy. 4768 adam emdelip shyqty. 37 naýqas kóz jumdy.

Sońǵy jańalyqtar