28 Mamyr, 09:37 346 0 Zań Anar LEPESOVA

Kólikti mas kúıde júrgizgen atyraýlyq 1,5 jylǵa sottaldy

Atyraýda kólikti mas kúıde basqarǵan júrgizýshi 1,5 jylǵa sottaldy. Bul týraly oblystyq sottyń baspasóz qyzmeti habarlady. 

Quqyq buzýshy buǵan deıin de birneshe ret qylmystyq jaýapkershilikke tartylǵan.

«Atyraý qalasynyń №2 sotynda QR Qylmystyq kodeksiniń 346-baby 1-bóligimen aıyptalǵan azamat buryn 3 jyl merzimge kólik quralyn basqarý quqyǵynan aıyrylǵan. Soǵan qaramastan, bıylǵy 15 naýryzda alkogoldik ishimdik iship, mas kúıinde avtokólikti basqarǵan. Aıyptalýshy osyǵan uqsas quqyq buzýshylyq úshin birneshe ret qylmystyq jaýapkershilikke tartylǵan. Alaıda, ol túzelý jolyna túspegen jáne tıisti qorytyndy jasamaǵan. Munyń bári sot barysynda eskerildi», - dep habarlady oblystyq sottan.

Sot úkimimen aıyptalýshyǵa 1 jyl 6 aı merzimge bas bostandyǵynan aıyrý jáne kólik júrgizý quqyǵynan ómir boıyna aıyrý jazasy taǵaıyndaldy. Jazany óteý orny retinde qylmystyq-atqarý júıesiniń qaýipsizdigi barynsha tómen mekemesi belgilendi.

 

Sońǵy jańalyqtar