27 Mamyr, 19:31 1233 0 Jańalyqtar Asyl TUMAR

Almatyda qaıtadan karantın engizilýi múmkin – Baqytjan Saǵyntaev

Sýret ǵalamtordan alyndy
Sýret ǵalamtordan alyndy

Almaty qalasynyń ákimi Baqytjan Saǵyntaev onlaın brıfıng barysynda ońtústik shaharda qaıtadan karantın engizilýi múmkin ekenin aıtty.

«Eger epıdemıologııalyq ahýal nasharlaıtyn bolsa, qala qaıtadan karantınge jabylýy ábden múmkin. Men almatylyqtarǵa 2 aı shydap úıde otyrǵandary úshin alǵys aıtamyn. Naýryzdyń sońynda qalada 35 myń ǵana kólik júrgen. Al karantınge deıin 500 myń qala turǵynynyń, 250 myń oblys turǵynynyń kóligi qalada júretin. Biraq 2 aıda shydam degen bitti. Tótenshe jaǵdaı rejımi alynǵan soń bári syrtqa shyqty. Qarasańyz, ár oblysta koronavırýs kórsetkishi artyp keledi. Eger olaı bolatyn bolsa, qatań karantın rejımi qaıtarylady», – dedi qala ákimi Baqytjan Saǵyntaev.

Onyń aıtýynsha, 15 sáýirden keıin Qazaqstanǵa Qytaıdan dárigerler kelgen. Sheteldik mamandar Almaty qalasyndaǵy karantın rejıminiń saqtalýyn joǵary baǵalaǵan. Naýryzdyń basynda QR DSM Almaty qalasynda koronavırýs 850 adamǵa juǵady degen boljam aıtqan.

«Al qazir qansha? 2353 adam. Al resbýlıka boıynsha 9 myńnan asty. Eger dalaǵa shyǵýǵa ruqsat berilse, onda tek maskamen shyǵý kerek. Qashyqtyq saqtaý kerek. Al bizde qalaı? Bir-birin aýyzasharǵa shaqyryp, sýretke túsip, áleýmettik jelige jarııalap jatyr», – dedi ákim.

Sońǵy jańalyqtar