27 Mamyr 2020, 15:31 1234 0 Jańalyqtar Asyl TUMAR

Bas memlekettik sanıtarlyq dárigerdiń ókilettigi artady – Prezıdent

Sýret ǵalamtordan alyndy
Sýret ǵalamtordan alyndy

QR Prezıdenti Qasym-Jomart Toqaev Ulttyq qoǵamdyq senim keńesiniń 3-otyrysynda Bas memlekettik sanıtarlyq dárigerdiń mártebesi men ókilettigi arttyrylatynyn aıtty. 

«Búginde barlyq el qaýipsizdiginiń mańyzdy bóligi – bıologııalyq qaýipsizdik máselesi bolyp otyr. Buǵan deıin koronavırýstyń qaıta taralýyna daıyn bolýǵa tıis ekendigimizdi aıtqan bolatynmyn. Ahýal elimizdiń jáne kórshiles memleketterdiń aýmaǵynda turaqty tabıǵı oshaqtar men ózge de qaýipti ınfekııalardyń bolýyna baılanysty kúrdelene túsýde. Birqatar júıesiz reformalar men qaıta uıymdastyrýlar sanıtarlyq-epıdemıologııalyq qadalaǵaý jáne ınfekııalyq baqylaý júıeleriniń álsireýine sebep boldy», – dedi Memleket basshysy.

Bul rette QR Prezıdenti sanıtarlyq-epıdemıologııalyq qyzmetti kúsheıtý qajettigine basa nazar aýdartty.

«Osyǵan oraı qazirdiń ózinde jańa komıtetti qurý jumysy bastaldy. Bas memlekettik sanıtarlyq dárigerdiń mártebesi men ókilettigi arttyrylatyn bolady. Ómirdiń ózi bul reformaǵa túrtki bolyp otyr. Bul qyzmettiń mamandaryn áleýmettik qorǵaý jáne kadrlardy daıyndaý júıesi qaıta qaralady. Buǵan qosa, ınfekııalyq aýrýlarmen kúres salasynda shet eldermen yntymaqtastyqty odan ary nyǵaıtý qajet. Bıologııalyq qaýipsizdik júıesi ortaq standart boıynsha jumys isteýi jáne qaterlerge elaralyq ózara is-qımyl men qarsy turý sharalaryn qamtamasyz etýi tıis», – dep atap ótti Qasym-Jomart Toqaev.

Sonymen qatar Memleket basshysy Qazaqstan Respýblıkasynyń bıologııalyq qaýipsizdigi týraly zańdy jyl sońyna deıin qabyldaý qajettigin basa aıtty.

Sońǵy jańalyqtar