27 Mamyr 2020, 12:37 671 0 Ishki saıasat Anar LEPESOVA

Prezıdent: Yrys pen yntymaqtyń arqasynda kez kelgen synaqty abyroımen eńseremiz

Koronavırýs pandemııasy álem qundylyqtaryn aıtarlyqtaı ózgertti.  Ulttyq qoǵamdyq senim keńesiniń úshinshi otyrysynda Memleket basshysy Qasym-Jomart Toqaev osylaı málimdedi. 

«Koronavırýs indeti jumys tártibimizge eleýli ózgeris engizdi. Qazirgi tańda elimiz pandemııanyń sharyqtaý sheginen ótti. Biraq, indetpen kúres áli aıaqtalǵan joq. Bul indet - óte qaýipti. Batpandap kiredi, mysqaldap shyǵady. Koronavırýs qazirgi álemniń qundylyqtaryn aıtarlyqtaı ózgertti»,- dedi Memleket basshysy.

Qasym-Jomart Toqaevtyń aıtýynsha, densaýlyq saqtaý júıesiniń, ózin-ózi qamtýdyń, yntymaqtasý men jaýapkershiliktiń mańyzy arta tústi.

«Soǵan sáıkes memleket qyzmetinde jáne qoǵamdyq ómirdiń barlyq salasynda túbegeıli ózgerister bolmaq. Pandemııa bizdiń elimiz úshin de úlken synaq bolyp otyr. Qazaqstan halqy eshqashan qıyndyqqa moıyǵan emes. Bul joly da birligimizdiń bekem ekendigin kórsettik. Biz yrys pen yntymaqtyń arqasynda kez kelgen synaqty abyroımen eńseremiz dep senemin», - dedi Prezıdent.

Aıta keteıik, Qasym-Jomart Toqaevtyń tóraǵalyǵymen Ulttyq qoǵamdyq senim keńesiniń úshinshi otyrysy ótip jatyr.

 

Sońǵy jańalyqtar