27 Mamyr 2020, 11:35 1658 0 Sport Anar LEPESOVA

Aýyr atletıkadan ulttyq quramaǵa jańa bas bapker taǵaıyndaldy

Aýyr atletıkadan Qazaqstan ulttyq quramasynyń bas bapkeri aýysty. Iýrıı Melnıkovtyń ornyna Baqyt Ahmetov keldi, dep habarlaıdy  federaııanyń baspasóz qyzmeti.

Baqyt Ahmetov - burynnan belgili qazaqstandyq aýyr atlet. 2004 jyly Azııa chempıony, 2007 jyly Azııa chempıonatynyń qola júldegeri, 2002 jyly Azııa oıyndarynyń chempıony jáne 2006 jyly Azııa oıyndarynyń qola júldegeri bolǵan. 2008 jyly Qytaıda ótken Jazǵy Olımpıada oıyndarynda Qazaqstannyń Týyn kóterip shyqqan.

Onyń basshylyǵymen 2009 jyldan bastap jasóspirimder men jastar quramasy halyqaralyq arenada joǵary sporttyq nátıje kórsetken. Baqyt Beshimbekulynyń shákirtteri ulttyq quramanyń sapynda da bar. Jazıra Japparqul, Aleksandr Zaıchıkov, Karına Gorıcheva, Albert Lınder jáne Igor Son sııaqty sportshylardy Baqyt Ahmetov tárbıelegen.

«Qazir ulttyq qurama jańǵyrý kezeńin ótkerýde. Osy jyldan bastap eresekter quramasynyń quramyna jastardan Rahat Bekbolat, Nurǵıs Ádiletuly, Saıhan Taısýev, Saıramkez Aqmolda, Karına Quzǵanbaeva, Darıa Ahmerova jáne Gúlnur Ybyraı endi. Baqyt Ahmetovtyń úılestirýimen komandany nyǵaıtý josparlanyp otyr. Biz Baqyt Beshimbekulyn tájirıbeli jas jattyqtyrýshy jáne kásibı menedjer retinde bilemiz. Osyǵan oraı ony eresekter quramasyna aýystyrý týraly sheshim qabyldandy.Iýrıı Aleksandrovıchke kóp rahmet. Ol ulttyq quramany qıyn kezeńde basqardy. Onyń basshylyǵymen bizdiń sportshylar joǵary nátıjege jetti», - dedi aýyr atletıka federaııasynyń atqarýshy dırektory Aldııar Nuralınov.

 

Sońǵy jańalyqtar