26 Mamyr 2020, 20:08 1075 0 Jańalyqtar Asyl TUMAR

Memleket basshysy Vladımır Pýtınmen telefon arqyly sóılesti

Reseı tarapynyń bastamasy boıynsha Memleket basshysy Qasym-Jomart Toqaev Reseı Prezıdenti Vladımır Pýtınmen telefon arqyly sóılesti, – dep habarlady Aqordanyń resmı saıty.

Taraptar COVID-19 pandemııasyna qatysty qazirgi ahýal men indettiń taralýyna qarsy kúreske baılanysty eki eldiń qabyldaǵan sharalary jóninde pikir almasty.

Sonymen qatar Memleketter basshylary ekijaqty yntymaqtastyqtyń ózekti máseleleri men Eýrazııalyq ekonomıkalyq odaq aıasyndaǵy ózara yqpaldastyqty talqylady.

Áńgime sońynda Vladımır Pýtın Qasym-Jomart Toqaevty 24 maýsym kúni Máskeýde ótetin Jeńis paradyna qurmetti qonaq retinde qatysýǵa shaqyrdy. Qazaqstan Prezıdenti shaqyrtýdy rızashylyqpen qabyl aldy.

Aıta keteıik, Reseıde Jeńis parady 24 maýsymda ótedi.

Sońǵy jańalyqtar