26 Mamyr 2020, 15:20 711 0 Jańalyqtar Asyl TUMAR

Bıyl elordada 350 ga aýmaqqa aǵash otyrǵyzylady

Sýret ǵalamtordan alyndy
Sýret ǵalamtordan alyndy

Nur-Sultan qalasy ákiminiń orynbasary Altynbek Qaısaǵalıev bıyl elorda aýmaǵynda 350 ga aýmaqqa aǵash otyrǵyzylatynyn aıtty.

«Nur-Sultan qalasy boıynsha búginge deıin 1 mıllıonǵa jýyq túp aǵash otyrǵyzylǵan. Japyraqty jáne qylqandy aǵashtardyń 2018 jyly 19 myń túbi, 2019 jyly 114 myń túbi egildi. Bıyl bul jumys jalǵasady. Qalada qazir saıabaqtardyń sany ósip keledi. Bıyl arnaıy 50 qoǵamdyq oryn salynýda. Halyq demalatyn ondaı oryndarda da aǵash túpteri kúzde jáne kóktemde egiledi. Jyldan jylǵa bul jumysty arttyrsaq deımiz. Eń basty bizdi qýantatyny – Elbasy Nursultan Nazarbaevtyń bastamasymen egilgen jasyl beldeý – búgingi kúni maqtanyshymyzǵa aınalyp otyr», – dedi Altynbek Qaısaǵalıev «ASTANA TV» telearnasyndaǵy Elorda live-ta bergen suhbatynda.

Onyń aıtýynsha 1998 jyldan bastap astanany qorshaı egilgen qalyń orman qazir qalany bir jaǵynan jelden qorǵasa, ekinshiden aýany tazartyp turady.

«20 jyldan beri otyrǵyzylǵan aǵash túpteri toǵaıǵa aınaldy. Artynsha bul aýmaqty týrıster kelip demalatyn orynǵa aınaldyrmaqpyz. Aǵash egilgen 15 myń gektar aýmaq – Nur-Sultan qalasynyń ókpesi dep aıtýǵa bolady. 98 paıyzy – japyraqty aǵashtar. Bıyl taǵy 350 gektarǵa aǵash otyrǵyzylady», – dedi ol.

Sońǵy jańalyqtar