26 Mamyr 2020, 13:45 880 0 Jańalyqtar Asyl TUMAR

42 500 teńge alýǵa 8 mıllıon adam ótinish bergen

QR Eńbek jáne halyqty áleýmettik qorǵaý vıe-mınıstri Aqmádı Sarbasov tótenshe jaǵdaı kezinde kirisinen aıyrylǵan qansha adamǵa 42 500 teńge áleýmettik tólemi berilgenin aıtty.

QazAqparattyń jazýynsha, Ortalyq kommýnıkaııalar qyzmetindegi brıfıng barysynda Aqmádı Sarbasov: «Biz ótinish berý úderisin barynsha jeńildettik. Ol úshin ártúrli tehnıkalyq sheshimder iske asyryldy: 42500.enbek.kz veb-portaly; «Elektrondyq úkimettiń» veb-portaly; 18 Telegram-bot; uıaly telefon nómiri tirkelse, ótinim berýsiz. Bankterdegi uzyn-sonar kezektiń paıda bolý qaýpin azaıtý maqsatynda, bank derektemelerinsiz ótinish berý múmkindigi qarastyryldy. Esepshottardy onlaın ashý boıynsha sharalar qabyldandy. Bul sharalardyń barlyǵy ótinishterdi berý jáne qaraý úderisin tezdetýge múmkindik berdi. Barlyǵy 8 mıllıon adam ótinish berdi, onyń 4,6 mıllıonyna taǵaıyndaldy. Tótenshe jaǵdaıdyń toqtatylýyna baılanysty 2020 jyldyń 11 mamyrynan bastap jańa ótinishterdi qabyldaý aıaqtaldy», – dep atap ótken.

Vıe-mınıstrdiń aıtýynsha, alǵash ret 194,2 mlrd teńge somasyndaǵy 4,6 mln tólem taǵaıyndaldy. Onyń ishinde birinshi aıǵa 158,9 mlrd teńge somasynda 3,7 mln, ekinshi aıǵa 35,4 mlrd teńgege 834 myń ótinish maquldandy. Ekinshi aıda 2,9 mıllıon adamǵa tólem uzartylyp, 122,2 mlrd teńge tólendi.

«Biz buǵan deıin de aıtqanymyzdaı, jaldamaly qyzmetkerlerge áleýmettik járdemaqy taǵaıyndaýdyń basty sharty – bul aqysyz demalysta bolý jáne áleýmettik saqtandyrý júıesine qatysý ótili, al basqa sanattar úshin – tótenshe jaǵdaı kezinde tolyq kiristen aıyrylý jáne áleýmettik saqtandyrý júıesine qatysý ótili boldy. Al azamattyq-quqyqtyq sıpattaǵy sharttar boıynsha jumys isteıtin azamattar úshin zeınetaqy jarnalarynyń bolýy suraldy», – dedi vıe-mınıstr.

Sońǵy jańalyqtar