26 Naýryz, 13:33 1871 0 Qaýipsizdik Anar LEPESOVA

"Namaz oqımyn, indet juqpaıdy": Din mamandary saqtyq sharalaryn oryndamaıtyndarǵa eskertý jasady

Elimizde koronavırýstyq ınfekııa paıda bolyp, tótenshe jaǵdaı jarııalanǵaly beri halyq arasynda túrli qańqý sózder tarap ketti. Máselen, keıbireýler "bes ýaqyt namaz oqyp, súre bilsem, vırýstan aman qalamyn" degen pikirde. 

Elimizdiń belgili din qyzmetkerleri atalmysh máselege qatysty pikir bildirdi, dep habarlaıdy Eýrazııa birinshi arnasy. 

Shydam men sabyr naǵyz musylmanǵa tán qasıet. Alaıda el ishinde koronavırýstan saqtaný sharalaryn elemeı, maska kııýden bas tartyp, tipti meshitte namaz oqýdy jalǵastyra bergisi keletinder bar. Osy oraıda atalmysh máseleniń ara-jigin halyqqa tanys ımamdar ajyratyp berdi.

Islam.kz ulttyq, rýhanı-aǵartý portalynyń basshysy Qaırat Joldybaıulynyń aıtýynsha, shynaıy taqýalyq áreket pen salǵyrttyqty shatastyrýdan aýlaq bolý kerek.

"Sózben jasalǵan duǵa jetkilikti deý dindi, paıǵambardy durys túsinbeý. Alla elshisi (s.a.ý.) ne nárse bolsyn, aldymen Allanyń osy dúnıede qoıǵan zańdylyqtaryn, sebep-saldarlaryn oryndaıtyn.

Mysalǵa uhud soǵysyn alaıyq. Mádınaǵa qalyń áskermen shabýyl jasaǵan quraıyshtyqtarǵa qarsy musylmandardy barynsha qarýlandyrdy. Ózi de saýytyn kıip, qolyn kókke kóterip, egile jylap uzaq duǵa jasady. Sahabalaryna "saýyttaryńdy sheship, qarýlaryńdy tastap, "falaq" pen "nas" súrelerin oqysańdar, sózsiz jeńiske jetesińder" degen joq. Kerisinshe eki túrli duǵany da kemeline jetkizip oryndady.

Handaq soǵysynda da dushpandardan Mádına qalasynyń aınalasyna or qazý arqyly qorǵandy. Alla elshisiniń: "Qaı jerde oba aýrýy shyqqanynyn estiseńder, ol jerge atap baspańdar. Al ózderiń turyp jatqan mekende juqpaly aýrý shyqsa, ol jerden qashyp, basqa jaqqa barmańdar!" - degeni ispen jasalǵan duǵaǵa jatady. Juqpaly aýrýdy aýyzdyqtaý úshin jasalǵan karantıni bolmaq, - dedi Qaırat Joldybaıuly.

Sonymen birge QMDB "Sharıǵat jáne pátýa" bólimi basshysynyń orynbasary Hasan Amanqulov kez kelgen pátýá saralanyp, tarazyǵa salynyp, ózge elderdiń tájirıbesimen salystyrylyp baryp shyǵarylatynyn aıtty.

"Tótenshe jaǵdaıda adam ómirine densaýlyǵyna, mal-múlkine, bala shaǵasyna jáne otbasy múshelerine qaýip tónetin kezde keıbir ǵıbadattardy sharıǵat toqtatýǵa ruqsat etedi. Alla Taǵala Quran Kárimde "Baqara" súresiniń 195-shi aıatynda: "Sender ózderińdi ólimge, jamandyqqa bastamańdar. Jamandyqty bile tura adamdardy ıtermelemeńder, bastamańdar" degen osy mazmunda aıat keledi", - dedi ol.

Vırýs - aqyr zamannyń sońǵy belgili emes. Dintanýshy mamandar baıbalam salatyndardyń áreketi dinge de qaıshy dep otyr.

"Ólimnen eshkim qashyp qutylmaıdy. "Nıssa" súresiniń 78-shi aıatynda aıtady: "Sender myqty qorǵannyń ishinde bolsańdar da ólim senderdi tabady" deıdi. Biraq, ólimnen qashyp qutylmaımyz, báribir ólemiz dep salǵyrttyqqa salyný, beıqamdyqqa boı urý, saqtanbaý, Allanyń bizge bergen aqylyn paıdalanbaý, mamandar pikirin paıdalanbaý bul dinniń, ıslamnyń ustanymy emes.

Adamzatqa kelip jatqan indetten aman qalamyn, óz ustanymymmen aman qalamyn deý jansaqtyq, saıazdyq, bul durys dúnıe emes", - dedi dintanýshy Keńshilik Tyshqanuly.

Eske sala ketsek, Almatyda karantın kezinde 19 naýryzdan bastap barlyq meshitter jabyldy. Sondaı-aq QMDB tótenshe jaǵdaı ýaqytynda meshitterde juma namazymen qosa bes ýaqyt namazdyń ýaqytsha oqylmaıtynyn aıtyp málimdeme jasady.

;feature=emb_logo

Sońǵy jańalyqtar