22 Naýryz, 18:06 1580 0 Jańalyqtar Anar LEPESOVA

Budan bylaı Qazaqstandaǵy koronavırýsqa qatysty ahýaldy Dáýren Abaev baıandaıdy

Endi Qazaqstandaǵy koronavırýstyq jaǵdaı týraly barlyq suraqqa Aqparat jáne qoǵamdyq damý mınıstri  Dáýren Abaev jaýap beredi. Bul týraly mınıstrliktiń baspasóz qyzmeti habarlady. 

Mundaı sheshim el Prezıdenti Qasym-Jomart Toqaevtyń tapsyrmasynan soń qabyldanǵan. Memleket basshysy el aýmaǵynda COVID-19 jaǵdaıyna baılanysty aqparat berý formatyn qaıta qaraýdy tapsyrǵan bolatyn.

Sonymen, erteń, 23 naýrydan bastap Abaev Qazaqstandaǵy epıdemıologııalyq jaǵdaı týraly kúndelikti aqparat taratyp, sonymen qatar azamattardyń saýalyna jaýap beretin bolady. Mınıstr málimdemesin onlaın-brıfıng barysynda jasaıtyny habarlandy.

Azamattardy qyzyqtyratyn saýal bolsa, onda pressa.mic@gmail.com elektrondyq poshtasyna hat joldaýǵa bolady.

Sondaı-aq hatty 17:00-ge deıin jiberýge keńes berilgen. Vedomstvonyń málimdeýinshe, osynyń arqasynda hatty ýaqytyly óńdep, durys derek berý úshin saýaldy tıisti memlekettik qurylymdarǵa jiberýge múmkindik kóbirek bolady.

Sońǵy jańalyqtar